ملتقى طلاب وطالبات جامعة الملك فيصل,جامعة الدمام - عرض مشاركة واحدة - الدراسات الاسلامية هنآ الآستفسآر عن دكآتره قسم الدراسات الاسلاميه ~

أم عمر! · 2013- 1- 28

اقتباس:

المشاركة الأصلية كتبت بواسطة سحااآآااب ~

بنات لو سمحتوا تكلموا شوي عن سمية إبراهيم ؟
صدق تطول بالشرح وتجيب النوم
عااااد أكرره شي عندي الدكتورة اللي تحلل وقت المحاضرة
ووشلون شرحها بنظرية المعرفة ؟؟؟
أسئلتها سهلة او صععبه ؟؟
شايله همها ياربي

أنا درست عند الدكتورة سمية علي, أكثر من مقرر .

من ناحية الشرح :

هي صدق تطول بشرحها, و تكثر لك معلومات بـ نية الإستفادة منها لا أكثر,
لكن اسئلتها جداً واضحة الحمدُ لله, و تاخذ بمفهوم البنات, يعني بشكل عام :
تحترم فهم البنت ع الورقة, و تقدر مشاركاتها, و حلو إنك تكثري لها كلام بالورقة,
يعني لا تخلي شي ببالك ما كتبتيه, و طبعاً يكون مفهوم وواضح و نفس طلبها اللي تبيه,

لا تشيلي هم إن شرحها طويل, و احياناً يكون ممل, و الله إنها تسعى في إنها تبسط المنهج,
و تعطيك كل اللي عندها, لـ أن همها و اللي تسعى له, إنك تكوني فاهمة وتكسبي من العلم أكثره .

الله يوفقك ويسهل عليك, لا تخافي من الدكتورة سمية, للأمانة هي جداً مراعية للبنات,
و حريصة عليهم, و تقدر جهودهم ومشاركاتهم وفهمهم, بـ غض النظر عن طول المحاضرة,
هي حريصة في هذا الجانب حرص شديد, إنه تاخذ الوقت الرسمي لها, و تعطيك كل اللي عندها,

لا تفوتينها عشان هـ النقطة فيها, بالعكس, ادخلي معها و عقبال الدرجات العالية بإذن الله .