|
رد: جبت العيد ورسبت في ثلاثة شوركم لاعدمتكم
ماقصرو الاخوان والاخوات جزاهم الله خير
لكن احب اضيف لك معلومه لازم تراجعين جدول الاختبارات عشان مايكون عندك تعارض
وبناءا عليه اختاري المواد , اذا لغتك الانجليزيه جيده او وسط انصحك تدرسينه لأنه سهل ونفس دروس المتوسط والثانوي مافيه شي جديد ابد
وخذي معه تقنية المعلومات لأنها اساسيات الحاسب شفت المحتوى للماده اعتقد مرررره سهله
وضيفي معها اما العقيده الاسلاميه او الصحه واللياقه ويصير كذا عندك 15 ساعه او 16
وضيفي عليها مواد الترم الاول اللي حملتيها معك لاتأجلين الاداره ولا غيرها
الدوغان صح شرحه غريب لكن بالمذاكره والله تجيبين a وانتي مرتاحه
الرياضيات لازم تتابعين كل محاضرة ومعك دفتر وقلم وتحلين مع الدكتور اول بأول والتمارين اللي يعطيك في اخر المحاضره حاولي تحلينها
واذا عندك مشكله ممكن تجيبين مدرسه خصوصيه تساعدك في الدروس اللي مافهمتيها
ونصيحة مجرب الماده اللي حملتيها لازم تجيبين فيها امتياز او جيد جدا مرتفع ليش ؟؟؟
لأن درجاتها تنقسم على 2 بسبب دراستك لها مرتين
لو جبتي مثلا b يكون كأنك اخذتي فيها d او c اول مره
وراجعي نفسك شوفي ظروفك وعملك هل تقدرين تذاكرين اول بأول او لا
المذاكره الاسبوعيه 3 ساعات فقط تكفيك تغطين كل المواد وتحلين الواجبات والمشاركات بعد
تفائلي بالخير اختي ويجيك بإذن الله
فيه ناس اول ترم بالجامعه جابو معدل ضعيف وفي اخر ترم تخرج ومعدله جيد جدا 
|