|
رد: الي عندهم خبره يساعدني الله يعافيكم....
اول شي تحتاجين معرفته هو الضروريات عشان مايفوتك شي
اول شيء ضروري لازم تعرفينه هو رقمك الجامعي اللي يبدأ بـ 21
هذا الرقم تجدينه في الورقة اللي ارسلتيها بالبريد
ثاني شي استخراج الرقم السري وهذا عن طريق هذا الرابط
http://www.kfu.edu.sa/ar/pages/newupdate.aspx
ادخلي الرقم الجامعي وراح يعطيك الرقم السري
احفظي الرقم الجامعي والرقم السري لانك راح تستخدمينه في كل مرة تدخلين على النظام الافتراضي
معلومات ضرورية لابد تعرفينها الحين
في المستوى الاول مايطلب منك تسجيل مواد او حذف مواد الجامعة تختار لك مواد تدرسينها
في قسمين رئيسيين تدخلينهم باستمرار اللي هم نظام البلاك بورد والتعليم الافتراضي
كل شي موجود بالنظام الافتراضي ( المحاضرات المسجلة كل اسبوع تنزل محاضرة ) + ( المشاركات بعد كل محاضرة ينزلون مشاركات واللي تكون نقاش عن المحاضرة المنزلة ) + ( الواجبات تنزل ثلاث واجبات لكل مادة طول الترم يعني تقريبا في الشهر ينزل واجب واحد لكل مادة )
نظام البلاك بورد فيه ( المحاضرات المباشرة وعددها 3 طول الترم وهي مهمة لانها تكون مع الدكتور مباشرة وفيها كثير من النقاشات المفيدة مع الدكتور )
بالنسبة لتسجيل مقر الاختبار ماهو ضروري الحين لانك لما سجلتي في البداية وقت التقديم حددتي مقر الاختبار وقبل الاختبارات بشهر تقريبا راح يطلبون الجامعة عن طريق رسالة تحديث مقر الاختبار
هذا اهم شي في هذا المستوى وباقي الامور مع الايام راح تتعلمينها لا تستعجلين ولا تشتتين تركيزك على الهوامش وتتركين المهم
بالتوفيق للجميع
|