السلام عليكم ورحمة الله وبركاته
اليكم قصيده للشاعر / خلف بن هذال العتيبي
قصيده مميزه وفريده من نوعها ولكن ركز في القافيه :
ارحمي من يحبك ياجميـــــــله
لو تغيبين عندي غالــــــــــــــيه
ارسلي ليا غبتي رســـــــــاله
كود عيني تنوم اشـــــــــوالها
حملت القلب ياعذرى ثقــــــيله
واهني القلوب الخالـــــــــــيه
كيف تصطين في قلبي لحاله
لين هز الظلوع وشــــــــــالها
اللحم راح ياسمرى جـــــديله
مابقى كود العظايم البـــــاليه
حالة العاشقين اخس حـــاله
واصبحت حالتي عزالـــــــــها
السهر عادتي في كل لــــيله
لين تسرى النجوم التـــــــاليه
هل هل الشهر وانصف هلاله
ماشرح خاطري مرســــــالها
ذقت فالحب ذوقة حنظليله
وذقت فالحب ذوقه حـــاليه
والحيا والوقوف عن الجهاله
تشتريه الرجال بمـــــــــالها
واشهد ان الحبيب من قبيله
منزله من منازل عــــــــاليه
من اصول المروه والشكاله
ليت فالي يباري فــــــــالها
وهبك ربي اوصاف(ن)جزيله
صار يظرب بك الامثـــــــاليه
ياقمر عشر واربع في كماله
أسال الناس عن احـــــوالها
صاحب المعرفه قلبه دلــــــــيله
من معه حيلة(ن) يحتــــــــــاليه
قوم واظرب بسيف(ن) من عداله
العداله لنا وحنـــــــــــــــــــا لها
لو تغيبون ايام(ن) طــــــــــويله
عنكم الروح ماهي ســـــــــاليه
الهوى سم وحموله عبــــــــاله
فالحشا ثابت(ن) منـــــــــزالها
نالة اعجابي واحببت اشارككم
في تلك المعاني . والقافيه الرائعه