|
رد: سـبــاحــيــن شـايـل هــم
أبي أبربر عن نفسي شوي
إسمي فراس 
عمري موجود بالملف الشخصي
الأخ الوحيد و الاكبر لخمس بنات (ما شاء الله)  ثلاث منهم متزوجات و بزارينهم غثا زي أمهاتهم
مفتش جودة بأحد الشركات بالرياض  
خريج كلية تقنية عام 2005 
الحالة الإجتماعية /ما يمر يوم إلا و تجي أنواع الضغوط عشان أتزوج و يوم إني نويت أتزوج خطبت بنت عمي بدون ما يدرون أهلي و حتى الآن ما جاني الرد و كله من خواتي لعبوا علي و قالوا لي البنت إنخطبت و طختك السعادة إذا أخذتها و مع الاسف رحت وشاورت واحد من عيال عماني عن الموضوع و قلت له لا تعلم أحد
لكن النذل راح و علم أبوه    و قفل جواله لمدة أسبوع
أبوه عاد هو الوحيد من عماني الي مستحيل أحد يقول له لا (ضابط بالجيش)
دق علي و قالي دريت عن موضوعك و بروح لعمك ابو البنت أكلمه
قلت له يا عم إصبر شوي
قال لي نصيا" (كل تبن خير البر عاجله) 
وراح و كلمهم من 17 يوم و إلا اللحين ما جا رد
و أنا من ذاك اليوم و أنا النفسية تعبانه
و أمي كل يوم تقول لي وش فيك متغير
زبدة الكلام إني من ذاك اليوم و انا أدور سلاح و الا مسدس عشان أفجر مخ ولد عمي 
بس فكرت فيها و قلت هاذي فيها قصاص و أميمتي ما عندها إلا أنا و قلت ما دام عندي تأمين شامل ليش ما أصدم ولد عمي من بيبانه
الهرجه إني ما أبي إلا هي 
من جد أحس إني متغير من ذاك اليوم كأني صاير رومانتيكي
|