خيآلك عليّ مع كل شبّة صبآح يغير ,
وَ ذكرآك لا جا الليل جتني ركآيبهآ ..

خيآلك مآهو الطب ..! لكنّه التخدير ,
وذكرآك طرد رقآد عيني مطآلبهآ ..

فـ لآ مصبح مثل العرب طيْبٍ و بخير ,
وَ لا ممسي مثل العرب من سبآيبهآ ..










http://www.youtube.com/watch?v=Fczq96xBOcM

أحبّها هالقصيده جدا جدا
بالرغم أنها تذكرني بموقف مطفوق الله يخليني لطفاقتي

كآن وقوف إجبآري بالقويعيه حزة الشروق , بسبب عطل بسيآرتنا
أجّرنا عند أقرب مكان لموقعنا مكآن تحتآر فيه مدري شقه مدري آسترآحه , النظام نظام شقه بس فيها حوش كنكري < معليش حنا سعوديين
الوكآد ان الخدمات في هذاك المكآن سيئه للغايه , أو المكان اللي تعطلنا فيه ماحوله أحد !

المهم , بينما الكل نآيم .. وخالي العزيز اللي مايتحرك الا شنطة عزبته وياه مركب قهوته بنص الحوش
وأنا مقابلته داقتني غلقه .. ابي انام ولاجاني نوم مابعد ألفت المكآن يبيلي آسبوع الى شهر عشآن اتأقلم

عطاني طويل العمر جوآله - كان جلكسي ثري - قالي يَ بنيتي شغلي لي النت بجوالي
قلت آبشر .. ومسكته أفعّل له اشترآك بالنت .. وانا استنى رد الخدمه أنزعجت و أزعجت النايمين
فـ ركبت الهيدفون .. وأنا لما ركبته أشتغل ( تلقائيا ) آخر مقطع كان يسمعه
اللي هو هالقصيده ..

عآد صوت ابن فطيس وَ صبآح الغلا .. ماحسيت بنفسي الا وانا اسمعه شوي الا ذيك الابتسامه على فيسي
شوي الا خالي عند رآسي : ( أنا قايلن لس شغلي النت , ولا فتشي بملفاتي ! )
لا لا يَ خال أنا .. أ أ أ أ أ آ ئمممم
عآدي عآدي يَ بنيتي أنا كأني آبوس و و و و آلخ )
وآللي خلقني يَ يبه مآكنت أفتش ولا آحب التفتيش !
أقول ! مآ ودّس تصوريني و أنا أزين فنجآلي



^


سينآريو متكرر بحيآتي اليوميه
أنقهر وأحيان آصيح وأرجع وآسلّك ..

.

.

صبآحكم موقف مثلي
ضريبه دخولكم مدونتي