المشاركة الأصلية كتبت بواسطة أبو حور

انتي ممكن تقصدين الصورة هذي والروابط الثلاث اللي فيها



البرنامج هو وضع الارقام في الروابط من 01 الى 14 والسبب اننا امرنا البرنامج يسوي كذا من خلال المربع اللي في النص

لأن روابط تحميل المحاضرات الفرق بينهم بس في الارقام هذي ( الجامعة وضعت الفرق في الارقام هذي عشان تسهل عملية التحميل الجماعي ) ((( هذي ثقافة مبرمجين وتبادل مصالح بين مبرمجي برامج المواقع وادارة المحتوى وبين مبرمجي برامج التحميل )))


لاحظي المربع الاول يقولك النجمة بدلها كم خانة وهنا نحدد كم خانة نحتاج في الرابط بدل النجمة

اذا كنا نحتاج خانتين او ثلاث او اربع

يعني مثلا لو وضعتي ثلاث خانات راح يستبدل البرنامج النجمة بـ ( 000 ) ليش ثلاث اصفار لأنك حطيتي البداية من 0 الى كم الى رقم اكيد انه بالمئات باعتبار انك احتجتي ثلاث خانات

لو حطيتي النجمة تستبدل بأربع خانات راح تكون بالشكل هذا ( 0000 )

طيب المستطيل اللي في يسار الصورة واللي فيه ( من - إلى )

هنا تحددين الأرقام المستبدلة تبدأ من كم إلى كم


بصراحة اللي ماعنده خلفية عن الروابط راح يصعب عليه التعامل مع برامج التحميل وراح يفوته اشياء كثيرة ممكن تسهل عليه العمل


في السابق لما كانت سرعات الاتصال بطيئة نوعا ما كان من المستحيل احد ينزل ملفات من النت بدون البرامج هذي

وكان اول الافلام والملفات الكبيرة تجزأ الى اجزاء صغيرة عشان يسهل تحميلها ( من خلال برنامج مثل الداونلودمانجر )

الى الحين مازالت بعض الملفات تحتاج تجزئة و ايضا ملفات متسلسلة مثل محاضرات الجامعة وهذي الطريقة اللي شرحتها تستخدم في جميع الحالات هذي وبالتالي هي مفيدة حتى في المواقع الثانية لذلك تحتاج فهم مو حفظ واتباع خطوات بس


اعتذر عن الاطالة

تحياتي لكم