ملتقى طلاب وطالبات جامعة الملك فيصل,جامعة الدمام - عرض مشاركة واحدة - جداول stc من الرابع الى السادس .. واي مساعدة او استفسار .

AbduLlatif · 2013- 2- 1

اقتباس:

المشاركة الأصلية كتبت بواسطة daniah..~

مآشاء الله الموضوع وصل 25 صفحه وأنا للحين ميته مع اللي مآتوا
هذي المره العشرطعش اللي أطل على هالموضوع
أقول إن شاء الله الشؤون الأكاديمية ترد علي بسرعة بعد التظلم وَ أوريكم جدولي الأخير
لا أنا اللي سجلت مقرراتي للحين وَ لا أنا اللي استفدت من مراسلتهم شي
قال اللي عنده تظلم يراسل الشؤون قال
والله من حق إننا ننقلب على هالجآمعة جماعات وَ أشتاتا لين يعرفون إن الله حق
سوء إدارة وَ سوء تنظيم وَ ظآلمين بعد
مير الله فوق كل شيء ، وَ إن كآن لي حق عندهم ماوالله أسامحهم

/

نجي للزبدة ، أجل حذفوا الريض وَ المهآرات !!!!
مآنب قايلة الله ولا بلاش

والتكتة الثانية ، إمشوا على الخطة وَ لاترى بتشوفون شي مآيرضيكم !!!
سلامات !!! عآيشين بحلبة مصارعة حنا !!!
ربنا ع المفتري وَ الظآلم لابوهم لابو تسلب

/

كآن هذا جدولي اللي قررت آخذه
الأربعاء : موارد بشرية
الخميس : فقه السيره

الثلاثاء : مهارات البحث وَ التفكير

الخميس : إدارة مالية 2

السبت : إدارة تسويق

الإثنين : تحليل إحصائي
= 16 ساعة

قلت يمكن يردون علي وَ كنت متفائلة خير يرفعوني بالأساسيات ، لكن الجدآر يوحي أكثر منهم

وش رايكم أكنسل الفقه وَ السيره وَ آخذ أساسيات المحآسبة يوم الإثنين !!
يصير تسذا يعني

الأربعاء : موارد بشرية

الإثنين : أساسيات المحآسبة الإدارية
الثلاثاء : مهارات البحث وَ التفكير

الخميس : إدارة مالية 2

السبت : إدارة تسويق

الإثنين : تحليل إحصائي

ويصير 17 ساعة

صدز إنه شي صعب آخذ مآدتين ورا بعض ، وجربته مع الصحة وَ بغيت أنهبل
بس وش أسوي ..

إذا ماأخذته هالمستوى بأجله لمستوى سادس لهآ مكآن حلو هنآك
وَ تبون الصدز !!! مآآآش الأخلاق قافلة على الأساسيات مآلي خلقهآ بتاتا البته وَ إن شاء الله دكتورهآ مب متغير
عشان كذا مرتآحة يوم أجلتهآ لسادس طآر بهآ قريح

وش رايكم ياصديقيني أجزم على السطعش ساعة بس !!!
يارب يقولون لاتآخذين الأساسيات أجليها يارب يارب يارب يارب يارب يارب يارب

أبو حور ، صح حلالي إني أشاور بموضوعك ؟؟
متعيجزه أدربي راسي بهالموآضيع وَ أشاوركم ، قلت مآلها إلا موضوع أبو حور
مع تحيات / ميته وَ العرب حيين

اهلا اهلا اختي دانية .. و الله شوفي اوخيتي جدولك حيرني و انا مقدر ازيد ع كلام الاخوان الي فوق شي .. بس هي بسيطة انتي لو بتذاكرين اول بأول ف صدقيني الجدول الثاني و انتي مغمضةة عشان تخلصين الاساسيات على خير .. بس لو تعرفين نفسك بتنشغلين ف الثاني و أجلي الاساسيات لمستوى 6 .. بس انا من وجهت نظري انه تاخذين الثاني افضل لك ..

و الحمد لله ع السلامة بو حور ..