|
تنبيه: لجميع من يريد التخرج هذا الترم(بالذات دفعة 2009-2010)
قارن بين سجلك الأكاديمي و الخطة الدراسية لتخصصك ترم بترم و مادة مادة حتى لا يصير معكم نفس مشكلتي
حبيت أنبهكم لهذا الموضوع :
وحدة من الأخوات كاتبة إن مجموع ساعاتها لايكمل 116 و حتى مع تسجيل آخر ترم عدد ساعاتها لا يكمل 132 المطلوبة للتخرج.... شكيت بالموضوع و شفت سجلي الأكاديمي وفعلا طلع كلامها صحيح، كان ناقصني ساعتين بالضبط..
و رجعت أقارن بين السجل الأكاديمي و الخطة الدراسية،و اكتشفت إن ناقصني مادة (برامج الحاسب المكتبية) ، و اللي زاد الطين بله إن فيها تعارض مع مادة الأدب الأمريكي.
أذكر مادة النحو التطبيقي (1) و (2) لما درستها كانت ساعتين و طلعت في السجل ساعه و احده. مأدري هل المادة هذي انضافت بدلها؟
رغم إني من النوع الحريص جدا جدا و أحدد مواد كل ترم بالقلم و الورقة ، لكن ما أدري كيف ربي أعمى على قلبي و لا شفتها......الحمدلله على كل حال!
الحين براجع العمادة ، هل ينفع أزيد ترم و أسجل فيه ساعتين بس؟أو هل يمكن تبديل يوم اختبار المادة أو أختبر المادتين مع بعض(رغم إني أعرف إن هالموضوع مستحيل)........
اللي عنده خبر يقولي ، و إنا إذا وصلني شي ببلغكم..
التعديل الأخير تم بواسطة نظارة99 ; 2013- 2- 1 الساعة 06:31 PM
|