2013- 2- 2
|
#70
|
|
صديقة كلية إدارة الأعمال
|
رد: لماذا تم إغلاق موضوعي (( 2 ))
الموضوع جميل كنت مترددة اشارك فيه من البداية
لاني خفت ان ما عليه اي رقابه وقد ينحرف الحوار الى مسار اخر
بالاخص اني فلته وما امسك نفسي عن الرد 
ولاكن هنا الامور مختلفه
مع اني صرت اشوف الموضوع صار يتكلم عن
المشرفين بدل مايتكلم عن اغلاق المواضيع
بأتكلم عن اسبابي في اغلاق المواضيع وما اتكلم عن غيري ابد
لما الموضوع ينتهي وقته اغلقه
لما الموضوع يتجاوز الحدود المسموحه اغلقه
لما الموضوع يخالف القوانين اغلقه
رغم ان فيه بيني وبين بعض الاعضاء خلاف وحساسية
الا ان مواضيعهم اثبتها وارد عليها
لان الموضوع ما انكتب لي ولا انكتب عشان رضاي
ما انكتب الا لجل الاعضاء يستفيدون
لما موضوع يخرج عن مساره
اتركهم براحتهم
يطلعون كل اللي بخواطرهم واحيانا توصل لـ عشرات الصفحات
بعد ماتطلع خرمتهم اقفل الموضوع وابدأ بحذف الردود المخالفه وارجع افتح الموضوع
وطبقت هالشي بايام الاختبارات وشفته جاب نتيجه
هو صحيح فيها تعب احياناً الا انه كثرة رسائل الحذف اللي توصل للاعضاء
تجلطهم وتخليهم يتوبون يطلعون عن مسار الموضوع
لما احذفها من وقتها يتمادون اكثر
بس لما احذفها دفعه وحده فيساتهم تصير كذا 
من وجهة نظري كـ عضوه قبل لا اكون مشرفه
اذا خرج الموضوع عن مساره وصاحب الموضوع مااااله ذنب
فالافضل حذف الردود وتنبيه الاعضاء المخالفين وترك الموضوع مفتوح
مع تنبيه صاحب الموضوع انه موضوعه سَ يغلق لو خرج عن مساره ثاني مره
مع انه ماله ذنب بس الافضل دائماً يكون عندهم خبر مسبقاً
احياناً اغلق الموضوع وانسى اكتب السبب وارجع بعدين اكتبه
لان سالفه موضوع يغلق بدون سبب شي ينرفز
وممكن العضو يفكر ان المشرف حاقد عليه او كذا
لذلك ارى بأن كتابة سبب الاغلاق ينهي معظم المشكلة
تحياتي لك اخي ابو محمد
وللاخ ليثاوي بالتأكيد
وشكراً للاخ صعب على الاطراء
ولو اني ما اتمنى منكم الا الدعوات بظهر الغيب
وللامانه احرجتني بإطرائك لي امام الجميع 
وأسأل الله ان يريني الحق حقاً يرزقني اتباعه ويريني الباطل باطلاً ويرزقني اجتنابه
واتمنى من اي عضو اغلق له موضوعه بدون ذكر سبب يراسلني ولايتركها بخاطره
لاني مع الاسف الشديد كثيييييرة النسيان
|
|
التعديل الأخير تم بواسطة Dr. nsroon ; 2013- 2- 2 الساعة 02:17 AM
|
|
|
|