ملتقى طلاب وطالبات جامعة الملك فيصل,جامعة الدمام - عرض مشاركة واحدة - عـــــــــــــــــــــــاجل!!! اتمنى ايصال هذه الرساله

ابوشاهين · 2010- 2- 28

اقتباس:

المشاركة الأصلية كتبت بواسطة متعلم

انا مستغرب وش تبغون بإدارة الاعمال ؟ خذو انجليزي يفيدكم في الحياة المهنيه والعملية والانترنت بعد , تحياتي
للجميع

سبحان الله انا مثلك مستغرب وش في العالم على الإداره!!! هو تخصص مطلوب وحلو وله مستقبل ممتاز بس مش لهذه الدرجه.

طبعا انا وياك 100% الإنجلزي يفيد بشكل غير طبيعي ,انا موظف من 7 سنين وعارف هالشيئ لا إداره أعمال ولا هندسه ولا محاسبه من دون لغة أنجليزيه جيده جدا ..انسى الفكره راح تكون بموقف محرج في المقابلات الشخصيه ولا شركة تبيك او بتاخذك طبعا بستثناء الشركات الحكوميه. لأن طلبات الشراء والعرض مع الشركات الداخلية والخارجيه والإيميلات والفاكسات كلها انجليزي . طبعا هذا في الشركات الخاصه أو شبه خاصه مثل سابك أرامكوا .................. ألخ
انا في مقر عملي وفي الشركات الي حول عملي مافي أحد ينطق عربي في (مجال العمل) ...أجتماعات بالإنجليزي تقارير بالإنجليزي . التدريب بالإنجليزي أيميلات العمل بالإنجليزي . شرح المعدات بالإنجليزي .المشتريات بالإنجليزي, حتى خطاب شهادة حضور الإختبارات مافي أحد عرف يقرها لأنها بالعربي إلا مدير شؤوون الموظفين ............. الخ, فاللغة الإنجليزيه لغة العالم ولحد يستهين بالتخصص لان مجالته كثيره جدا جدا جدا . فمن أتقن اللغه الإنجليزية إجتاز 60% من المقابلة الشخصيه. إذا بغينا نتكلم عن المجال المهني أو الوظيفي ألي هو من أهم الضروريان للإنسان في هذا الوقت.
وانا قبل فتره أتصفح النت لقيت الهيئه الملكيه طالبين موظفين من مهندسين ومحامين وإدارين ومدربين للغة إنجليزيه وعربية ...الخ ومن الشروط الرئيسيه لتقديم السيره الذاتيه بعد أن يكون التقدير الجامعي جيد جدا و إجادة اللغه الإنجليزية تحدثا وكتابة !!! وطبعا هذا ينطبق على أغلب الشركات الكبرى في المملكة والعالم .

وإن قلنا نتكلم في مجالات الحياة العامة, لاجينا نسافر ماني رايح بعيد نقول دبي ولا المنامة تلقى محلات الملابس والمطاعم ومحلات العطور والبقالات وفي المطارات .. تلقى اللغة الرسميه بعد لغة البلد هي الإنجليزي.

هذا الكلام ماهو تقليل من الإداره بالعكس تخصص مطلوب ... وله مميزاته .

وجهة نظر من حكم خبره عمليه + حبي للغة الإنجليزية

شكراا

تحياتي