نظرآ لكثره الأسئله المختلفه عن اغلب الأيقونات و البرامج و الكتب و الملخصات و طريقه استخدام الأنظمه :
راح اختصر عليكم الكثير ب ـهالموضوع و ان شاء الله افيدكم "
- المواد -
لكم ياحلوين 5 مواد اجباري انكم تاخذونها "
اداره & قانون & رياضيات1 & محاسبه1 & اقتصاد جزئي
المحاضرات "
تنزل لكم اسبوعيآآ محاضره او محاضرتين "
هم 14 محاضره لكل ماده بس في بعضها ينقسم لقسمين مثل
*( المحاضره الأولى الجزء 1 )
* ( المحاضره الأولى الجزء 2 )
صارو 2 صح " مع انهم للمحاضره الأولى "
يعني باالعربي في شي 14 محاضره وفي شي 19 اذا كان يتكون من جزئين "
البلاك بورد "
هذا هو النظام الي ندرس عليه "
منه نحمل المحاضرات & نحل الواجبات & نحل القضايا والمناقشات & نحضر ونحمل المحاضرات المباشره
هذا رابط البلاك بورد "
http://lms.kfu.edu.sa/
اسم المستخدم = الرقم الجامعي
كلمه المرور = الرقم السري
(( حالياا ))
بيجيكم تعذر للصفحه لأننا مابدينا دراسه للحين "
بمجرد مانبدآ راح يشتغلون
وراح نتعلم مع بعض شلون طريقتهم وكيف ندخلهم
لا دخلتوه بتشوفون 5 مواد بمجرد ما تضغطون عليها تلاقون المحاضرات الي نزلت لكم
التمهيديه ( غير مهمه مجرد تمهيد للمقرارات و التعريف بالدكتور )
مو شرط تحملونها اتكفو بالمشاهده فقط ""
اذا ودكم " لأنها لا تحسب في نظام الدرجات
وبعد كذا "
في
*مشاهده المحاضرات المسجله"
*تحميل المحاضرات المسجله "
*تحميل المحاضره بالصوت فقط "
*تحميل بصيغه جوال "
واشياء غيرها "
وكلهم يؤدون الى نفس الغرض
الي يبي يحمل يحمل والي يبي يشاهد يشاهد
بضيغه جوال بضيعه كويك تايم عااادي جدآآ
الي يبي يشاهد عساه ع القوه لكن مثل ( الرياضيات & المحاسبه )
انا كنت اكتبهم " عشان هيك ماشريت لا كتاب ولا شي " بس حملت ملخص المحاسبه الي منزله خيو ابو موزه "
من هون "
وباقي المواد عليكم بـ محتواها وملخصاتها اذا كنتو حابين "
الواجبات & المحاضره المباشره & القضايا والمناقشات "
الواجبات = ينزل لكم 3 واجبات " ولكم فيها 3 محاولات او 2 فقط "
تكون اختياريه مكونه من 3 او 4 اسئله :
لا تتسرعون وتحلونها الا اذا شفتو الحل هنا بالمنتدى وقتها روحو وحلوها عشان لا تروح عليكم الدرجات "
تشبه لحد كبير اسئله الإختبار وفي بعضها جابوه الدكاتره بالأختبارات
عليها ( 10 درجات )
المحاضرات المباشره = 3 محاضرات لكل ماده تتواصلون عن طريقها مع الدكاتره
ساعه للبنات وساعه للشباب بأوقات مختلفه "
تسألون فيها الدكتور عن اي شي بخاطركم وراح يجاوب عليكم ان شاء الله "
والي ماقدر يحضرها بوقتها ينتظرها لين تنزل ع البلاك بورد ويحملها من هناك راح تنحسب له نفس الدرجه وكأنه حضرها "
عليها ( 10 درجات )
القضايا والمناقشات = هذه اسئله ينزلونها الدكاتره ب منتدى اسمه منتدى الحوار موجود داخل البلاك بورد لكل ماده "
14 سؤال ولازم تحلون 14 حل - كتابيآآ-
" لا تخافون بعد كل شي بيكون عندكم
ادخلو فيه و طالعو المشاركات و الأجوبه الي فيه
اكتبو نفس الكلام الي بالمشاركات الموجوده عندكم "
* حل الواجبات & المناقشات & تحميل المحاضرات كله على ( البلاك بورد الأفتراضي )
* تحميل المحاضرات المباشره ( على البلاك بورد )
وكلا البرنامجين مكملين لبعض "
الي ما يفتح بعاكم بواحد منهم وتكون المشكه - جماعيه وليست فرديه -
انتقلو للبرنامج الأخر وكملو فيه الناقص
وعليها ( 10 درجات )
الحين - 30 - درجه بيدكم لازم تجيبونها بالطيب بالقوه تجيبونها " 
و 70 درجه حقت الإختبار النهائي "" لا تخافون منه كله اسئله اختياريه
سؤال و 4 اختيارات واحد منهم هو الصح " تظللونه بوقته التفريغ الي بيعطونكم اياها بلجنه الإختبار وبس "
معادله المواد "
انتم بما انكم مستوى اول " مالكم معادله الا لا صرتو المستوى الثاني ان شاء الله " بس الي حاب اعلمه كيف الطريقه يقولي "
ارقام التواصل مع الجامعه والدكاتره "
تدخلون على الخدمات الطلابيه وبتلاقون تحت عند - خدمات اخرى - ايقونه اسمها - جولات اعضاء هيئه التدريس والساعات المكتبيه الجواله -
وبكذا اكون غطيت على جمله وفيره من اسئلتكم "
اي سؤال او خدمه حابين اني اقدمها لكم "
انا والكل تحت امركم ""