|
رد: هل ترضى لك أو لأبنك بهذه الوظائف !! ولماذا !!
اقتباس:
المشاركة الأصلية كتبت بواسطة prestigious
هههههههه مره وحده كداد
هذا يبيلك ترجعين فوق شوي لأبو ممنوعات 
للأسف لو انك ولد راح يكسرون شخصيتك
يفضلون الأجنبي عليك
وانت بس ودك في فرصه فقط !!
ونفس الحكايه مع الفلبينيه وقصتك مع مستشفى الملك فيصل 
|
يبدون الاجنبي عليكم لانكم مغارير  وماعندكم صبر
وانا في حائل خارج تغطية موضوعك
معروووفه جدا مدينتي بالواسطه
تخيل بنتين حنا في رابع كلية التربيه انا طردوني فصل نهائي لتأجيلي كم سنه وانقطاعي
لظروف شديده اقوى مني
ورفضوا ارجع
وهي بعد مافصلوها رجعت تدرس
ابوها توسط لها
بكيت شهرين متواصلات بعدها 
اختي خريجة تغذيه ممتاز ماشاء الله
كل ماراحت مكان سكروها بوجيههم تعقيد واختبارات وقياس
واخرتها خريجه معها بنفس الدفعه كسلانه وغشاشه
لقتها تشتغل مديرة ببنك مع انها غير محتاجه ومن عائله غنيه
بس حب للدنيا ماخلوا لبنات الضعوف شي
لو كنت في الرياض انا على يقين بانني ساجد وظيفه
لانني اثق بثقافتي وشخصيتي ولغتي وامكانياتي
والرياض ناس فاهمه تحب الكديدين المخلصين 
شكرآ برستيجوس
الممتع هو طرحك 
|