برستيجيوس
حنا اللحين قاعدين نتكلم هنا واللي قاعد يشتغل بهالوضايف
هو الاجنبي اللي رضا بأقل قليل واللي مايرجع لبلده الا وفي
رصيده كنز مايتخيله شخص انه طلع من السعوديه
تدري ليه الشركات تجيب اجانب ؟؟ لانهم يرضون براتب 1500 والسعودي لا
وفوق هذا نشتكي من العماله
طيب متى بتنقرض هالعماله وفيه اشخاص مو راضين يتوضفون
طيب اذا عندك شهاده هذا شي ثاني
اما ما عندك شهاده وتتفلسف اسمح لي غلطان
انت الى الان ما استلمت شهادتك عشان ينغبن قلبك على وضيفه
بعدين وش فيها لو درست وتعبت وتوضفت بوضيفه خضار لين تحصل وضيفه تناسب تخصصك ؟؟
وعلى فكرة محل الخضار يجيه اجانب يعني تقدر تكلمهم بلغتك اللي تعلمتها
على فكره اعرف شخص درس في معهد صحي صيدله واجتاز اختبار الهيئة بنسبة عالية
وللاسف بسبب ظلم وزارة الصحه ما توضف واقترحت عليه يمشي اموره بتاكسي
بالاول رفض كيف سعودي ويشتغل تاكسي وعطيته جلدتين بالحكي وتسنع
بعد مده انقطاع عن الموقع اللي عرفته فيه رجعت وحصلته وسألته عن حاله واذا توضف ولا لا
قال اللهم لك الحمد توضفت في صيدلية النهدي ولاني بحاجة وزارة الصحه توضفني بمستشفياتها
ولازلت كداد على التاكسي لاني على وجه زواج .. فلوس التاكسي تحويشة العمر وفلوس الوضيفه عيشه لي ولاهلي
^
بصراحه هالانسان يرفع الراس ماقال عندي شهادة صيدلة مابي اتوضف الا صيدلي
وللعلم لازلت اقنع ابوي بأني ابي اتوضف بالجوازات او بأي قطاع عسكري
حتى لو حارسة امن بجامعه او مجمع < بس يقول انسي العسكرية واي شي يتعلق فيها
