|
رد: المشاركة للدوافير والمتابعة من اللي بيغى يصير دافور ^ــ^
أهلاً جميعاً
شوف أخوي هو على حسب وضيعتك ترتب نظامك !؟ أنـا باالنسبـة لـي عـادة أبتدي المذاكرة بجديــــــة قبل الأختبارات بشهـر عـاد على حسب المزاج أحياناً أبتدي باالأصعب ثم الأسهل وأحياناً الأسهـل ثم الأصعب عشـان أتفرغ لـه !؟ لكن على فرض لو كانت عندك في البيت حـالة ولادة وحريم طالعين وجـايين أو عرس أخ أو أخت وترتيبات العرس أو ضغطططط دوام هنـا لازم أغير الخطة من دفاعية إلى هجومية  بتوازن طبعاً وأحسب لهاالحسبـه حسـاب يعني أقدم الحسبـة قبل بشهر والله يخلي الأرشيف حوس فيـه وطلـع كـل الملخصات وأسئلـة الأختبارات السابقـة وتوابعهـا !؟
وترا موب شرط ياجمـاعة أني خربتهـا في الثانوية يعني خـلاص مـافي رجـا مني ولاأمل شدعوا عليكم الواحد مـايغلط يعنـي 
باالعكس يمكن تكون هاالغلطـة هي بداية تصحيح المسـار وترتيب الأولويـات بس أهم شي حط هدفك قدامك وقدام هدفك حط ثقتك بربك وأبذل الأسباب ولن تخيب بإذن الواحد الأحد
باالنسبـة لطريقتي أبتدي أذاكـر بشكـل فعلي قبل الأختبارات بشهـر مع المتابعـة من بداية الترم للمستجدات حول المـادة تغير الدكتور ، نتفقد المواد نشوف شاالصعب شاالسهل ، نشتري كتب ولا نكتفي باالمحتوى ويكون على سطح المكتب عندي مجلد بعنوان دراستي وداخله مجلدات لكل مـادة بأسمهـا وفي داخل كل مجلد أحط أي شي يخص المـادة نفسهـا أسهـل عشان أعرف المحاضرات اللي نزلتهـا ولا اللي مانزلتهـا ...الخ
وطبعاً متابعة أول بأول لهـذا الملتقى وتفقد أحوال الرعيـة دائمـاً أقول بأني أعتبر هـذا الملتقى جزء مهم جداً من دراستـي  
آمممم في خلال هاالشهر أكون قررت آيش المواد اللي راح أبلش فيهـا يعني أقصد الأولوية وكل مـادة لهـا أربعـة أيام أخلص في كـل يوم 3 أو 4 محاضرات وهكـذا إلى أن أقفل على كـل المواد وإذا خلصتهم كلهم أراجعهم بنفس الأسلوب بس أغير الترتيب عشـان الروتين وأبتدي من المحاضرات الأخيرة أو على حسب المزاج أحياناً أحط أوراق صغيرة وأسحب والمحاضرة اللي تطلع أذاكرهـا وهكـذا عاد الأختبارات نفسيـة فلاتشرهون 
نقطـة مهمة أحـاول في هذي الأيام "الشهر" ماأسهر ولاأجلس مبكـر عشـان ماأوصل أسبوع الأختبارات وأكون مرهقـه لكن بصراحـة العام كانت المواد صعبة شوي فضطريت أجلس مبكرة وأبلش أذاكر وأتأخر في النوم
يوم الأختبار ماأسهر أستحالة أجي أراجع مع الملتقى وأغثهم باالمراجعة  بعدين أتعشى ونووووم أجلس مبكر 6 الفجر أو بعد الصلاة وأبتدي أراجـع
وفي النهاية أحد الأخوان ركز على نقطة مهمة وهو التأكيد على التظليل وأختياار الإجابة الصحيحة فعلاً بدليل نلاحظ أغلب ردود الأفعال بعد النتيجة يكونون متوقعين درجـة أعلى ويتفاجؤون بدرجـة أقل بكثير ولا ننكر أن في بعض الطلاب مـايحب يراجع بعد الإجـابة بس ضروري ياأخوان عشـان تتأكون من تظليلكم للإجابة الصحيحـة سبحـان الله يمكن تكتشفون أنكم ضيعتوا في تظليل بعضهـا وإذا أنتوا تخافون تشككون في الإجـابة مثل ضميري اللي يشتتني حلفوا أنكم مـاتغيرون الإجـابة إلا إذا متأكدين 100%
أنـا خلااااااااص بعد نكبات ضميري في تغير الإجـابة أعلمـه شلون الترم الجـاي لو يحب السمـا ماغيرت الإجـابة 
آسفـة على الإطـالة بس حبيت تكون فيهـا إفادة وحبيت أبرهن بأن هذا المعدل موب شرط يجي باالمذاكرة أول بأول هذي العبارة التقليدية المعتادة وإنمـا بمعرفتك بظروفك وترتيباتك على أساسهـا
موفقين جميعاً
|