|
أكـاديـمـي فـضـي
|
رد: كلمات رائعه عن التفائل للي حاملين مواد
على طاري التفاؤل وعشق التحدي ,, أحب أحكي موقف خاص صار لي شخصيا بهالخصوص
كانت ألعن مادة عندي الرياضيات وكانت صعبه لدرجة ماقدرت أهضمها نهائيا ,, طبعا هالكلام كان أيام الثانوي ,
سجلت بكلية تقنية وتفاجأت إن عدنا مواد رياضيات وبالانجليزي بعد , والمدرب حقها كان كريييييه طبعا جنسيه عربيه مااحب أذكر الجنسيه حتى مااقع في العنصريه , المهم إنه كان شديد ومستقعد للطلاب على كل صغيره وكبيره سواء حضور أو واجبات أو غيره , وكل اللي درسوا مادته محد أخذ فوق الجيد , بدون مبالغه فيما أذكر ,
أختلفت معه يوم من كثرة ما يصيح بالقاعه وشايف نفسه , وتشادينا بالكلام , آخر شي قلي إنت راسب , قلت لحظه بناءا على ايش تقول كذا , قال مش حتعدي الامتحان , قلت الوعد يوم الاختبار ,,, حطني براسه ,, وما اخفيكم خفت أول الأمر ,, مااعرف بالماده ولا شي ,, لكن من وقتها أهتميت باالموضوع وأخذت المسئله تحدي , وقلت ياأنا ياهوه , وابن امه يجيبني
شديت حيلي بالماده وحاولت افهم كل شي فيها ماخليت ولا شي , لدرجة ركزت على التمارين وصرت أجيب من راسي أمثله , الزبده أعطيتها القاز زي مايقولون
جاء الاختبار والحمد لله رغم صعوبته نفس ماتوقعنا , لكن قدرت أحل كل الاسئله وماغلطت الا بسؤالين أذكر
وطلع اللي مايخاف الله حارمني من المشاركه والواجبات , لكن قدرت أعوضها بالاختبار وجبت معدل جيد جدا 
يوم النتايج طلعوا أغلب الطلاب حاملين الماده وقليلين اللي اجتازوها واعلى درجه فيهم هو محاكيكم الغلبان
عاد وقتها جاتني لعانه قلت خلني احر قلبه شوي , رحت لمكتبه قلت يامدرب نجحت ماقصرت والله , طالعني بابتسامه مليانه حقد وقال مبروك مبروك واعطيته غمزه ومشيت 
الخلاصه ومالكم بالطويله , هذا موقف يحاكي القضيه ,, يالربع ماعليكم من اطلق شنب , اللي فينا لو بغى يجيب شي يجيبه بعد عون الله ولا يقدر أحد يرده , وخذوا المسئله تحدي , ما لقيت زي التحدي دافع للنجاح في كل المجالات ,, وموفقين خير
|