رجعنا لكم بالعمل العظيم اللي قلت لكم عنه مندمج بحل الواجب
اول شئ نوريكم صوره صاحب العمل هو نفسه اللي بالتصميم بأول مدونتي يكتب الواجب اللي له كم يوم مو راضي يكتبه ويقول انا شاطر بعد جالس الساعه "
2 الليل " يحل واجب
الاخ "
أحمد "
العمر : 7 سنوات
الصف " أولى ابتدائي "
انسان فلااوي وحبوب ونشييط وذكي ويفهمها وهي طايره ماشاء الله يحب كل شئ فيه جنود وشرطه وعسكريه وحراميه نفسه كذا بالمستقبل يكون جندي او شرطي دايما يلبس ثياب شرطه وجنوود ويحب الكشخه الوحيد من بين اخوااني اللي يهتم باللبس والشكل والجمال باقي اخوااني عادي اي شئ اهم شئ لبس مرتب وبس
اما هو من يوووم عمره 4 سنواات لازم يبدل باليوم 3 او 4 مراات اكثر من البنات
يحب الطلعات والفرفره اذا بقينا اسبوع او اكثر بدون مانطلع نتمشى او يلعب كووره مع عيال الجيراان يقول " اوووف طفش مانطلع ولا شئ نبقى نتمشى "
حركي مرررره حركي ماينام الا على آخر شئ اذا انتهت بطاريته ابد
فيه صفاات كثيره حلووه
لكن ملسووون درجه اولى " لسانه يلوط اذانه " عنيد عنيد كلمه ماتنزل الارض حتى لو غلطان مايغير رايه ومايقتنع الا بكلامه ماعليه من غيره ولايسمع احد
مشاااغب مو بس علينا الا خرب اخووي اللي اكبر منه بسنتين في المدرسه
اخوي "
ناصر " في ثالث ابتدائي عنيد مايحب الاكل حتى بالمدرسه تعطيه امي رياالين يروح ويرجع فيهم مايشتري شئ عدووه الاكل لكن لمن جاء معاه اخووي احمد بالمدرسه صار يشتري كل يووم لانو احمد لازم ياخذ ريالين كل يووم وعزبه " بسكوويت وماء وحليب او عصير وفطيره " ياخذهم من البيت وبعد يطلب زياادة فلووس والظهر وهم ينتظرون السيااره لازم ياخذون لهم زيااره للبوفيه او البقااله اللي جنب مدرستهم مايوفر ريال واحد وصار ناصر مثله
تدروون اول يوم وش مسووي
ناصر قالو له يلا رووح فصلك احمد ماله فصل ولسه ماعرفو مين يدرسهم يعني شبه ضايعين التمهيدي جاو طلاب قالو لهم مافي دراسه يلا بيتكم
احمد قرر يرجع للبيت وناصر عنده دراسه لكن خااف على احمد من الطريق والسيارات احمد مو خوااف عادي عنده يشقها للبيت لحاله ومايخااف
تخيلو المشوااار من البيت الى المدرسه مشي تقريبا "
ثلث ساعه " غير الطريق العاام " والسيارات المجنونه اللي تمشي في ذاك الطريق
المهم
جاو البيت انحاشو من المدرسه في اول يوم اقول له "
في اولى ابتدائي واول يوم ونحشه من المدرسه اجل بكره وش بتسوي "
امي قالت ماتجلسون في دراسه واتصلت على المدرسه وقالو خليهم يرجعون واخذناهم انا وامي ورجعناهم للمدرسه اثنينهم
لهم سوالف كثيره بالمدرسه لنا عوده ان شاء الله مع سوالفهم
....