راسلت الشئوون الأكاديمية أكثر من مرة ومالقيت رد، وراسلت الفريدان على الإيميل 5 مرات.
الردين الوحيدين اللي أخذته منه كان كالتالي:
بخصوص وجود حل للتعارض، كان رده:
[gdwl]في حال وجود تعارض على الطالب زيادة ترم إضافي.[/gdwl]
بخصوص تقسيم الساعات المتبقية للتخرج، سألته متى لازم أنزل مشروع التخرج هذا الترم أو أأجلها مع مادة التعارض تفاديا لأي مشاكل أخرى، كان رده:
[gdwl]اختاري ماهو الانسب لك ولقدراتك ولظروفك الاجتماعية والعملية[/gdwl]
يؤسفني والله اللي صار من عدم تعاون العمادة معنا كخرجيين مع إن نظام التعارض الخاص بالخرجيين مطبق في كل الجامعات السعودية، و يؤسفني أكثر عدم تعاون الزملاء معانا...للأسف فيه من الطلاب اللي لما اكتشف إن مادة تصميم الأبحاث متطلب لمشروع التخرج قلب الدنيا و قال مو على كيف الجامعة، و لما انحلت أموره قام يلتفت لنا و يقول الجامعة مو لعبة تمشونها على كيفكم! وش معنى يعني مشت على كيفك أنت؟!
ما أقول إلا قدر الله و ماشاء فعل....أنا عن نفسي راح أخذ 12 ساعة هالترم، و مشروع التخرج و مادة التعارض بخليها للفصل الدراسي القادم و الله يعوضني و من مثلي بالدرجات الأعلى دنيا و آخره.