شكلك ناوي عالإداره بعد التخرج
ماشالله مابقى شي وتخلص......بالتوفيق
اشوف لو تمسك ماده وتتابع محاضراتها بتركيز واللي تلاحظ الدكتور يركّز عليه او يقول مهم تأشرعليه على طول وتضيف الملاحظات
المهمه اللي يشرحها الدكتور،التنقل بين المواد احسه يشتت التركيز ويقلل الإنجاز(وجهة نظر)...
بعد ماتخلص الماده امسك نموذج اختبار(مدري اذا كان عندكم نماذج او انك من اول دفعه!!)اذا في نماذج شوفها
عالسريع وشوف الجزئيات اللي جت عليها اسئله وبتعرف من خلالها اسلوب الدكتور
هل هو يجيب اسئلة مباشره؟ أو على حسب الفهم ؟أو يشقلب؟.....الخ
اذا كان اسلوب الدكتور يصعّب الأسئلة،خل الماده في بالك وركّز عليها بعدين في المراجعه...
موادك كثييير....اشوف لو تاخذ معك ماده في الدوام وتشوف محاضراتها بصيغة الجوال في (وقت الفراغ)..اذا جاك فصل مالي شغل
المفروض تبدأ من الحين،حتى لو المواد حفظ،ولو نسيتها بتسترجعها وقت المراجعة....
الطباعة شكلك مستغرب من اللي مايطبعون ويرتبون
اذا في ملخصات حلوه ومرتبه ومجربينها اللي قبل فليش نضيّع وقت(ابدأ من حيث انتهى الآخرون)
الملخصات اللي فيها اخطآء او عليها كلام سوها بنفسك،رغم معظم الأحيان الخطأ من نفس المحتوى...
هذا اللي يحضرني...وعذراً عالإطاله