الـزمن لاصـار ضدك و إحتوى درب المصايب
لاتــحـاول تـنـكـسر له لاتــزيـد الـطـيـن طـيـنه
لـلزمن حـكمه غـريبه تـحكم بـدرب الصعايب
و يا كثر من ضيّع الفرصه وهي فرصه ثمينه
عـز نـفسك فـي زمـانك لا تـقول الـحظ خـايب
و سوق عمرك للمعالى و إكسر النفس الحزينه
و الـطريق الـلى تـشوفه يـرسم الـدنيا عجايب
مــد يــدك فــي طـريـقه لـيـن مـاتمسك يـمينه
والـرفيق إن طـال وقـته لا تـحاتى وكل غايب
حـجـتـه دايـــم مـعـاه ولا تـقـول فــلان ويـنـه
و لا تـكابر بـالمصيبه لا حـكوا باغلى الحبايب
قــول غـالـى وكــل غـالى تـكرم لـعينه مـدينه
و الـبـلى و أكـبـر مـصـيبه لا تـناسوك الـقرايب
تـصبح الـدنيا ظـلام وتـصبح الـلحظه حزينه
وقـتـهـا لاعـــاد يـنـفـع لا عـتـاب ولا طـلايـب
والـزمن والـحظ الاقـشر إتركه واترك سنينه