|
رد: Does not make sense my Colleagues
اولا وين راحو هتان و فجر 
ثانيا انتم ليش اتكاليين وتعتمدون على غيركم ؟؟!!!
اتعجب من طلبة جامعه ويسوون كذا !!
الجامعه بحوث ومشاريع تسويها انت بنفسك
واسفي الشديد ان تخرج جامعاتنا ناس ماتعرف شي في الحياة الا اسمها
تعليمنا فاشل في الثنوي يدفونكم وفي الجامعه تتصلون بالدكاتره وتقولون نجحونا ترا حنا نبي شهادات بس
مانبي ندرس كلنا موظفين واولياء امور !!!
انقهر من اللي يقولون كذا بالله وش فرقكم عن اللي يشترون شهادات مزوره من الاطباء والمهندسين اللي يجون ويهلكون الحرث والنسل هنا!!!  هذا علم يحتاج لتعب وسهر والمعلومه اللي تتعلمها ماتحفظها عشان تنساها
هذي حصيله تضيفها لمعرفتك وثقافتك تفيدك في حياتك للاسف الشديد انكم يافئة الاتكاليين
تخربون على زملائكم اللي داخلين لاجل العلم لاجل الشهاده برغم الظروف اللي هي نفس ظروفكم
متى نرتقي بتفكيرنا ونترك الاتكاليه
ونضع هالحديث هذا امام اعيننا (من سلك طريقا يطلب فيه علما سهل الله له به طريقا الى الجنه )نكون مأجورين وبنفس الوقت نحقق احلامنا ..
اتمنى نهتم بدراستنا واتمنى اتمنى اللي فشلونا واتصلو بالدكاتره وفشلونا لايعيدونها لان سمعتنا عند الاجناب (شعب يعيش ليأكل ولا يأكل ليعيش)
الاخوان ماقصرو يساعدوننا ويسهلون ويشرحون طرق التسجيل والحل لكن انتم حلو
واعتقد الوقت طويل جدا يمديكم تحلون كل الواجبات والمناقشات
والمحاضرات المسجله فيها شروحات كافيه
والشي اللي تستصعبه تجي نتناقش فيه
لكن لخصو لي وحلو لي وانا بس كوبي بيست  << مااقول الا الشرهه على يالجامعه اللي تعطيك الشهاده
نبي دراسه حالنا حال غيرنا من الجامعات نبي جد وتعب وعلى قد التعب تكون النتيجه
 كل ماقلت انتساب قالو يوووووه يدفونكم معروف انها سهله ويمشون شوهتو سمعة الجامعه
|