المشاركة الأصلية كتبت بواسطة coffee mate

مع احترامي لبعض الاخوان والاخوات في ردودهم يبين مستوى التفكير والالمام بالانظمه والتعليمات وللاسف هذا وهم طلاب وطالبات جامعه؟
الترم الصيفي لتقليل عدد الساعات في الترم يعني الي يقول 22 ساعه ماسأل نفسه من الخسران الاول والاخير؟ بكل تأكيد هو الطالب لان عدد 22 ساعه يعني 8 مواد وهل تضمن النجاح يوم تسجل 22 ساعه ؟لو افترضنا انك حملت ماده هالشي راح يأثر على المعدل وراح تعيد ترم كامل بسبب هالماده ولكن الترم الصيفي تقدر تسجل 9 ساعات تريحك في باقي الاترام القادمه وتجدك بدل ماتسجل 22 ساعه تسجل 15 ساعه للترمين الاخيره نرجو المطالبه وتكرار المطالبه وان تكون المطالبه بالترم الصيفي على جوال الفريدان وعلى موقع تويتر وكذلك على الرقم المجاني وعلى الايميل الخاص بالجامعه يجب ان نشن حمله قويه وشرسه على الجامعه لان الي نشوفه ان الجامعه همها الاول والاخير هي استقطاب اكبر عدد من الطلاب والطالبات في اسرع وتجدهم يحظرون المؤتمرات والمعارض في كل مدن المملكه ويشاركو ويحاولو يبينو ان الجامعه افضل جامعه لاستقطاب الطلاب والطالبات بينما ابسط حقوق الطلاب لايلبونها لو نظرنا الى جامعة تبوك وجامعة الشمال وجامعة الطائف وجامعة ام القرى وجامعة الملك عبدالعزيز وجامعة الامام جميعها عندها ترم صيفي والجامعه الوحيده هي جامعة الملك فيصل التي لاتطبق نظام الترم الصيفي للاسف؟
رغم ان الانتظام في جامعة الملك فيصل عندهم ترم صيفي ونفس الدكاتره الي يدرسونهم هم الي يدرسون الانتساب واذا كان العذر عدم وجود قاعات انا هنا اقدم مقترح ان يكون تجمع الطلاب والطالبات للاختبار في ثلاث مدن رئيسيه هي الشرقيه والرياض وجده حيث يستطيعون تأمين القاعات بكل يسر وسهوله وصدقوني لو طلبت جامعة الملك فيصل من وزارة التربيه والتعليم الفصول الدراسيه للمدارس ودفعت قيمة الايجار ماراح ترفض الوزاره ولكن المشكله الجامعه ماتبي تدفع واذا كان هالطلب مستحيل نطلب من الجامعه ان تجعل مكان الاختبار هو الاحساء المقر الرئيسي للجامعه والي يبي يدرس صيفي يسجل ويروح يختبر في الاحساء مع استمرار ال22 ساعه للمستويين الاخيرين لمن يرغب التسجل من الاخوان.
نرجو ان تكون المطالبه في الجامعه وعلى الايميل وعلى تويتر وليس في هالمنتدى الي كله طلاب والجامعه مادرت عن شكواكم هنا واذا تعذر يجب ارسال شكوى للتعليم العالي باسم جميع الطلاب والطالبات .
مع العلم اني شان حمله على تويتر على الدكتور الفريدان والشعيبي بموضوع الترم الصيفي ولكن للاسف تفاعل الطلاب جدا ضعيف وبعضهم يدافع ويتفلسف تحس ان الجامعه وضفته محامي للاسف.
تقبلو مروري وتعليقي ولاتزعلون من صراحتي ولكن انا طالب مثلكم ومتضرر بعد مثلكم