ما أطلع من كلام 1STC1 أبد أنا مثله.

الفرق إني أبدا قبل الإختبارات ب 3 أسابيع اشوف محاضرات كل المواد
وبليلة الإختبار أرجع على المحاضرات و اذاكر المهم وأشوف الإختبارات السابقة ..
على الأغلب هذي الطريقة للمواد العلمية ، لأن الإختبار يكون شامل لجميع المسائل تقريبًا
لكن يغيّر لك في الأرقام.

اما المواد النظرية فهذي أمسك الملخص قبل الإختبار بليلة لأن انا وحدة فاشلة بالحفظ!
ولو ذاكرتها من قبل بأنساها فماله داعي أضيّع وقتي عليها أمسكها ليلة الإختبار
وهاتك يا صم وأزيدك من الشعر بيت ما أحفظ إلا بكتابة .. يعني أكتب اللي أحفظه!
محاضرة وحدة أم ورقتين ما اخلصها إلا عقب ساعة :) بطيئة جدًا.
والحمدلله تعدّي على خير.

وبالنسبة ل "ماظنتي أحد فالح داخل إنتساب ويجيب ممتاز"
زي ما قال 1STC1 بعد انا داخلة التقنية "دعم فني" يعني صيانة حاسب آلي .
وبمعدل قريب منه يعني إمتياز مع مرتبة الشرف الأولى.
وش فيه الإنتساب؟ وش فرقه عن الأنظمة الثانية؟
بكل مكان فيه متفوقين و وسط و داجين.

طب ليه ما ندخل إنتظام كل واحد وظروفه بالنسبة لي أنا خريجة آخر سنة "أسئلة وزارة" ماحصل لي أسجل اول ترم بعد التخرج لظروف "نفسية وغبية"
الزبدة قلت أخليها للترم الثاني .. جاء الترم الثاني قالو أستحدثنا النظام هالسنة!
وتقديم الترم الأول صار مع الثاني :$
وقلت نرتاح ترم ثاني وش ورانا .. و تجي السنة الجديدة ويطلع لنا قياس!!
واروح اسجل المقاعد ممتلئة مالتس مكان عندنا وضفّي وجهك!
مالي إلا التقنية :$
سجلت ودرست وتخرجت وجيت معكم هنا.
ماتبونن؟ عادي أفصل. < ؟

الله يوفقك وتجيبين هالترم 5من5 إن شاء الله P: