ملتقى طلاب وطالبات جامعة الملك فيصل,جامعة الدمام - عرض مشاركة واحدة - ●●|~أنـــت تــــسأل ونحـــن نجيـــب - بـــإذن الله - ʚϊɞ ~~|●●

~ Confidence · 2013- 2- 11

اقتباس:

المشاركة الأصلية كتبت بواسطة Serious Smile

( إستفسار للإخت Confidence )

كيف تشوفي تخصص اللغة الانجليزية ؟ تخوف والا لا ؟

لأني اطلعت على المستوى الرابع وفوق وبصراحه خفت .. مع اني اتكلم انجليزي لكن عن ادابها ونثرها مدري ؟

رايك يهمني ..

طالما أنت متمكن من اللغة فإن شاء الله ما راح تواجه صعوبة كبيرة في التخصص ..
لكن خليني ألفت نظرك لعدة نقاط .. لعلها تبعث شيئ من الطمأنينة داخلك ،

لو أطلعنا على الخطة الدراسية للتخصص .. بكل تأكيد راح نلاحظ أسلوب ( التدرج )
في المناهج .. يعني .. مستوى التقدم و الصعوبة في اللغة و التخصص .. تدريجي ..
يمشوا معاك خطوة .. خطوة .. و هذا شيئ مريح و مطمئن ..

لدينا سنــــــــــــــــــة كاملة قبل الدخول في التخصص و التعمق فيه .. و هذا أيضا ً
جانب إيجابي .. لأن راح يكون عندك فرصة لزيداة مفرداتك اللغوية .. و كل ما كان عندك
مفردات لغوية و عبارات .. كلما سهل عليك التخصص ..

انا رحت و اطلعت على محاضرات مستوى رابع .. علشان لما أرد عليك اكون على بينه ..
شاهدت المحاضرات الأولى لجميع المحاضرات ..
و الصراحة ما شفت صعب .. كل شيئ مفهوم بالنسبة لي .. و لا أشوف مستوى اللغة عالي .. إلا بعض المصطلحات الجديدة بالنسبة لي .. و هذا طبيعي جداً ..
لأني تعلمت اللغة الإنجليزية العامة .. ما تعلمت الأدب الإنجليزي ..
و أنا متأكدة إنك مثلي .. تعلمت لغة عامة .. مو متخصصة ..
و كونها جديدة المصطلحات عليك مو بالضرورة راح تكون صعبة .. هي فقط جديدة و مختلفة
عما تعلمته في السابق ..

يعني إحنا في النهاية ندرس الأدب الإنجليزي .. و ليس اللغة بحد ذاتها ،
و لا تغرك و تخوفك مفردات أسماء المواد ..

طيب خلينا نأخذ المواد حبة .. حبة ..

عندك مادة ..
Listen and talk

مادة ظريفة و بسيطة في نظري .. و الدكتور آلن اسلوبه بسيط و واضح ..

Introduction to Linguistics

مادة راح تفيدك .. صحيح ما حبيت الدكتور .. بس بتفيدنا المادة من حيث تمكننا من اللغة ..

Non - fictional prose و دكتور المادة الفريدان و اشوف الطلاب يمدحوا فيه .. و المادة بإختصار تعلمك كيف تقرأ النص .. و اعتقد ما فيها هذي صعوبة تذكر .. تقنيات و طبقها ..

English Literature of the Renaissance

أدب عصر النهضة .. و يمكن هذي الي مسببة لك بعض الإرباك .. لكن شوفها و كأنها تاريخ .. كأنها قصص و بتسهل عليك المادة إن شاء الله ..
لأنها هي فعلاً عبارة عن تاريخ الأدب في ذاك الوقت ..

Grammatical Rules and Systems

يعني قاعدة و طبق عليها ..

Composition 2

هذي المادة من اسمها تعبير .. يعني كيف تكتب مقال أو نص .. اكيد لها تقنيات ندرسها و نطبق عليها ..

و على فكرة ممكن راح نواجه مادة سهلة و لكن الدكتور يصعبها و أكثر ما اشتكوا الطلاب من مادة من المواد العامة و هي حاضر العالم الإسلامي لأن الدكتور دقيق جدا ً ..
و ممكن نواجه مادة غثيثة ما تنهضم بسهوله .. و مادة صعبة تبغى مجهود كبير علشان تعديها بتفوق ..و هذا كله عادي و طبيعي ..

في النهاية أنا اقترح عليك تروح تستمع للمحاضرات الي في ملتقى مستوى الرابع .. المشرف راشد الله يجزاه خير .. حاط كل الماضرات .. اطلع عليها و احكم بنفسك .. فقط ليطمئن قلبك ..

و إذا كمان حابة برضوا تتأكد أطرح أسألتك على طلاب مستوى خامس الحين و إسألهم كيف كانت المواد و إيش انطباعاتهم عنها ..

و في هالفترة .. طور في لغتك بأقصى ما تستطيع .. علشان تمشيئ دراستك بأكثر سلاسة و أكثر راحة .. و الله يوفقك لما يحبه و يرضاه ،،

و أعتذر عن تأخري في الرد ..