بسم الله الرحمن الرحيم
بدينا بالدراسه ولله الحمد لكن مازلنا حايسين ببعض الامور
1- نظام البلاك بورد ونظام التعليم الافتراضي هل هم نفس النظام ؟
( يعني المحاضرات لو اشوفها من البلاك البورد تنحسب لي الدرجات زي الافتراضي ؟)
2- تحميل المحاضره هل هو امر مهم او يكتفى بمشاهدة المحاضره المسجله ؟
( طبعا اقصد من اجل الحصول على الدرجه )
3- لقيت في منتديات الحوار مناقشات لجميع المحاضرات وبعض الشباب من الحماس حل مناقشات لسى مانزلت محاضراتها
!!
هل السبب مشكله بالبلاك بورد او الاسئله موجوده منذ الازل والناس تمر وتحل كل مانزلت محاضرتها ؟
4- في احد المحاضرات وبالضبط اقصد ( مبادئ الرياضيات ) عرض الدكتور في نهاية المحاضره 3 صفحات فيها تمارين رياضيه
وقال : هذا " الواجب "
لكن بصفحة البلاك بورد وقائمه الواجبات مافي واجبات نزلت ؟
هل هو يقصد تمرين يعني ولا الدعوه صدق قصده واجب
5- وايضا بمنتدى الحوار الخاص بمادة الرياضيات موجود مسئلتين مطلوب حلها ولكن المنتدى مقفل ما تقدر تكتب شي ( مافي ايقونة " رد " ) فبرضوا اقول وش السالفه ؟
6- ارجع لمسألة البلاك بورد والتعليم الافتراضي بالنسبه لي ارتحت للبلاك بورد وطريقة استخدامه ( يمكن لان الافتراضي مقفل ومالي غيره
) لكن لو استمر طوال فتره التعليم باستخدام البلاك بورد فقط او شخص يستخدم الافتراضي فقط هل فيه مشكله بالموضوع !!
7- وطبعا السؤال اللي جاوبتم عليه مليون مره بس لازم اسال لاني مافهمت لين اللحين كيف الطريقه
كيف اعرف وقت المحاضره عشان احضرها مباشره
8- متى اخر وقت اللي لازم ادخل فيه على المحاضره عشان ماتروح علي الدرجه
( يعني يوم الجمعه من كل اسبوع او 7 ايام من وقت نزول المحاضر )
متأثر بحافز حسبي الله عليهم
انواع الخصومات
9- معادلة المواد : اقدر اراسلهم عشان اعادل كم ماده مع العلم انها نفس المواد اللي ادرسها الحين قانون - محاسبه - اقتصاد - اداره بس درجاتي فيها
كلها d
( اتوفع انتهت فترة المعادله صح ؟ اصدمني )
ارجوا اني ما اكون ثقلت عليكم باسئلتي ومتأكد اني بالقى الاجابه الشافيه منكم
وفيه كم معلومه ودي اشاركها مع اخواني المستجدين واذا فيها غلط ارجوا منكم التصحيح
الدخول على المحاضرات عن طريق الجوال او الايباد ممكن انه مايحسب لك درجات فيها
المشاركه في منتدى الحوار له طريقه خاصه عشان تحسب لك المشاركه لانك لو شاركت برد على احد مشارك ما يحسب لك النظام انك شاركت لازم ترد كرد مستقل
وشكرا لكم
