2013- 2- 19
|
#115
|
|
أكـاديـمـي فـعّـال
|
رد: يوميات التدريب الميداني :)
السلام عليكم
بدأت يومياتنا في التطبيق 
أنا بديت من يوم السبت في مدرسة فيها دمج للصعوبات و أنا لوحدي في المدرسة ما معي أي أحد من جامعتي  ..
المدرسة جداً رائعه المديرة و الإداريات و المعلمات و خاصة معلمات صعوبات التعلم جداً رائعات فيه معلمتين و كانوا جداً متعاونات معي من أول يوم , و طبعاً عشان المدة قصيرة و ما تكفي أن أسوي مسح و تشخيص للحالات و أخذ حالة في لغتي و حالة في الرياضيات , قالوا خلاص راح نعطيك حالة من عندنا عشان تقدرين تعطينها 8 حصص على عدد الساعات الأساسية 8 و فعلاً أخذت حالة في الصف الأول و شفت التشخيص حقها .. و سويت ملفين ملف فيه المعلومات الشاملة و الموافقة و التشخيص و الأشياء الأساسية , و ملف الخطة التربوية الفردية اللي حطيت فيه جدول الحصص و الخطة التربوية الفردية ( الهدف بعيد المدى و الأهداف قصيرة المدى و الأهداف التدريسية ) و حطيت تحضير للدرس يعني طريقة العرض و طرق التعزيز و التقييم ....إلخ , و حطيت أوراق العمل , و سويت لوحة تعزيز بسيطة عشان أعزز للطالبة نهاية كل حصة و لما تنتهي الـ 8 حصص أعزز لها بهدية , يعني كنت أحاول أطبق كل شيء تعلمته بشكل نظري .
حضرت حصتين مشاهدة , و بديت يوم الأثنين بإعطاء أول درس للبنت , طبعاً كأن فيه أخطاء في عرض الدرس بس هم كانوا متعاونات مره معي و وضحي لي الأخطاء و أيش الأشياء اللي لازم أسويها و فيه أشياء كثير أعجبتهم في الدرس , و قالوا مش مشكلة لأنه أول مره و عشاني ما طبقت من أول .
عندي بكرا درس ثاني .. و أن شاء الله أتجنب الأخطاء اللي سويتها في الحصة الماضية ..
أهم شيء كان أني أحبب الطالبة فيني مثل ما قالوا لي عشان تتجاوب معي لأن كانت خجوله و هاديه جداً و تخاف شوي فكان لازم أحببها فيني و الحمد لله نجحت في هذي المهمة   ..
طبعاً لا تنسون تقييم المديرة و المشاركة في الأنشطة اللاصفية و الأمور الثانية اللي مطلوبة منا عشان نحصل على الدرجة الكاملة بإذن الله
وبالنسبة للدوام في الخطاب اللي وصل للمدرسة مكتوب لهم الدوام من 4/6 إلى 4/24 يعني ثلاث أسابيع مش أسبوعين و يومين
و أدوام من الساعة 6 و نص إلى الساعه 12 .. طبعا أن أجي 6 ونص عشان أحضر الطابور الصباحي عشان الأنضباط و الالتزام محاسبين عليه
فالبنسبة لي كانت بداية جميلة ,, و القادم أجمل بإذن الله 
و بالتوفيق للجميع
|
|
|
|
|
|