|
رد: صرِتْ,أعبّر عنْ جَُروحِي,[بالڪَلامْ],وقُمتْ,أحِـَس ان[الحِزِنْ],شخصٍ عشقني..!
مابيك لا رحت عني تلتفت فيني
خلاص مات الغرام اللي تبنيته
دايم اردد طلبتك لا تخليني
واليوم رح للطريق اللي تهقويته
اليوم نادم وشوف الدمع من عيني
ودايم وانا اقول هذا كيف حبيته
كنت الوحيد اللذي دايم يواسيني
وفنجال حبك ما والله يوم هزيته
العام حبك على دربي يخاويني
وياكثر دمعٍ على طرياك هليته
العام لا غبت لحظه قمت تبكيني
والعام لا ضاق صدري رحت يم بيته
العام حتى حروفك مأثرة فيني
واليوم جرحك عميقٍ بس كنيته
شوف القصايد عليك اليوم ترثيني
وحبك بقلبي قسم بالله عزيته
حتى كلامك في بالي مايخليني
بذكرك فيه يوم انك تناسيته
تذكر كلامك ترى صوتك يسليني
وابشرك هانت العشرة وخليته
يا حبي اللي متعبني ومشقيني
قصر الغلا يا حبيبي ليش هديته
كنا حقيقة وكانت يدك فـ يديني
ومافيه شيءٍ على شانك ماسويته
بعت البشر في حضورك يوم تشريني
ولا فيه يومٍ غثا حبك لك اطريته
واللحين لا رحت ماتدري انا ويني
بعيش في قرب شخصٍ فيك سميته
شخصٍ مدلع دوم يطريني
لا قال بابا فديته جيت وضميته
يكفيني اسمه ليا من ضاقت سنيني
ولا من ذكرتك بعالي الصوت ناديته
ولا انت ربي عن اشكالك بيغنيني
وساس المحبة بيديني شوف دميته
ماعاد فيها غلا وضاعت عناويني
والقلب ماعاد يمك لو ترجيته
ومابيك لا رحت عني تلتفت فيني
واللحين رح للطريق اللي تمنيته
|