[اتوه بصمت في عينك وادور لـ الغلا اسباب
والاقي الشوق يشفع لك وروح ٍ فيك مفتونه
وتشفع لك مشاعر قلب بحبك ذايب ٍ منصاب
سقاه المزن من قلبك حيا واخضرت غصونه
حبيبي دون ما ادرك عشقتك والهوى غلاب
سحرني صوتك الخاثر وافضى القلب مكنونه
وسافر خافقي يمك لاخايف ولامرتاب
يسوقه لك عظيم الشوق يالي زلزل ركونه
احبك ايه انا احبك ومنّك خافقي ماتاب
تعلق في حبال العشق تغير حاله ولونه
اسرني كل شي فيك حبك داخلي انساب
تغلغل في شراييني ونسى خافقي كونه
ورد البسمه لدنياي جرحي في يدينه طاب
وفارق خافقي همه وعاش بظل مظنونه
لقيت بعالمك نفسي وحسي في يدينك ذاب
شعلت الجمر في جوفي والاشواق مجنونه
على درب القدر كنا قلوب مفككه اغراب
غريبه تلتقي صدفه غريب وتسكن عيونه
ويجمعنا القدر قلبين عل جسر الغلا احباب
وصرت انت الغريب الي اضيع بدنيتي دونه
تحيــــــــــــــــــــــــــــآتـــــــــــــــــ ــــــي....