بسم الله الرحمن الرحيم



السلام عليكم ورحمة الله وبركاته




مجرد فكره بودي اقترحها عليكم لو حصلت منكم تأييد واقبال ان شاء الله راح ابتدي فيها واذا ماودكم نقفل على الموضوع

ايش الفكره ؟

نفتح موضوع لشرح الانجليزي غير شرح الاخواات الله يجزاهم خير ويعطيهم العافيه وغير القروب للي حاب ياخذ دروس اضافيه باللغه يعني راح يكون الموضوع مثل المدرس الخصوصي هو تقريباُ نفس المنهج لان انتم عارفين الانجليزي لغه وكل لغه لها قواعد ثابته يعني لو شرحنا من أي مصدر راح تفهمون الملخص المعتمد والمحاضرات الاساسيه بإذن الله

جات على بالي الفكره بعد ماشفت انو كثير يعانون من هاذي الماده ومو ملحقين على الدكتور لانو يشرح اكثر من 6 قاعدات بمحاضره واحده وهذا صعب على البعض منا وبنفس الوقت مانبقى نلخبط الطلاب اللي ماشين مع محاضرات الدكتور والجامعه

ان شاء الله لو وافقتو بشرح لكم كل يوم حاجه وبعتمد على كتاب معين بنزل لكم صورته بالموضوع الخاص بالدروس للي حاب يشتريه في واحدة الله يذكرها بالخير نصحتني فيه واشتريته واستفدت منه كثير عندي الكتاب تقريباً من 4 سنوت المفرووض في هالاربع سنواات شديت على نفسي وتعلمت اللغه لكن الزوول اللي بداخلي وش اسووي فيه المهم ماعلينا الدروس نفس دروسنا لكن مو نفس الترتيب في بعض الدروس ممكن تكون اضافات لكن تنفعكم اثناء قراءة القطع وكذا وكمصطلحات اضافيه وايضاً ماراح انسى الاسئله لإختبر نفسك بإذن الله وابقى تفاعل مو فقط متابعه لانو التفاعل والمشاركه يساعدك على الفهم والترسيخ بالذهن

وعلى فكره لاتظنون اني بلبل انجليزي بالعكس ابقى اشرح عشان استفيد وافيد


بعض من الدروس التي ستطرح ان شاء الله :

1- قاعده تركيب الجمله
2- اقسام اللغه الانكليزيه
3- الضمائر بأنواعها
4- السؤال , النفي , الاستفهام
5- المحادثه الانكليزيه
6- صيغ المضارع والماضي ( البسيط , المستمر , التام , التام المستمر ) والمستقبل
7- المقارنات والتفضيل




ان شاء الله انو تدخل مزاجكم الفكره وابدأ فيها




بإنتظاركم