صباح الخير على الجميع
اسفة جاية متأخر
بس الموضوع لفت انتباهي وبالرغم من اني استودعتكم الله بس الموضوع من جد لفت انتباهي
اختي كهلة احيي فيك بداية اعتذارك للأخ ابو نهار
ومافي داعي اتكلم عنه >>غني عن التعريف
بس الحين أقسم بالله مافهمت شيء من موضوعك
الرابط اللي فهمته انه للطلاب اللي كانوا يشتكون من عدم فتح صفحة البانر علشان يسجلون موادهم بالرغم من انه عندهم الرمز السري
فقالوا لهم خلاص ارسلوها لنا على هذه الطريقة اللي في هذا الموضوع بس وبعدين قاموا وحذفوا الرابط علشان المدة انتهت اللي هي يوم الاربعاء
اما ساعات مسجلة انا ماشفت شيء فيه ساعات مسجلة
بس حبيت اوضح لك اللبس يمكن ماكنتي فاهمة او محد كا فاهم وش الطبخة في الرابط بس هذا اللي كان يقصدونه الاداريين اللي في الجامعة
بس الطلاب اللي سجلوا موادهم وخلصوا وطلعت جداولهم مالهم دخل في هالرابط
أما بالنسبة لك ياستي ليش طابت نفسك من الجامعة بالعكس المفروض يكون عندك همة وعزيمة كبيرة
وتفاءلي بالخير وتعوذي من الشيطان وكلنا نحبك
واذا كان عاتبناك فالعتب من المحبة بس بعض الألفاظ وطريقة انتقاءها شوية عندك يبيلها تعديل بسيط لاهنتي علشان محد يفهمك غلط او يصير في اشكاليات وزعل وحزازيات
لأنه احنا اللي مجمعنا الدراسة فترة وتعدي وكلن يروح في طريقه فمال الشخص الا ذكره الطيب
علشان اذا مرت بنا الذكرى وتذكرنا ناس جمعتنا بهم الحياه في هالمنتدى الطيب نقول الله يذكره بالخير ويوفقه وين ماراح
ولك مني كل التقدير والله يوفقك ويوفق الجميع لما يحبه ويرضاه
استغفر لله ولاحول ولاقوة الا بالله وسبحان الله والله اكبر
اختك ادارة اعمال
وترى فيه بنات من فلسطين مسجلين بالجامعة ههههههه