فمان الله ياللي لك مكان ومنزلك معمـور
فمان الله ياللي مسكنك قلبـي ووجداني ـ
فمان الله يانور العيون اللي ماتلقى نـور
فمـان الله ياكلـي وتاريخـي وعنوانـي
فمان الله ياريح الندى في خايعٍ ممطـور
فمان الله يازرعٍٍ سقيته عطف واسقانـي
فمان الله والعبَره تراها عـدت الحنجـور
فمان الله لكن خلها تشرح لـك احزانـي
فمان الله تذرفها عيون الخاطر المكسـور
فمان الله تعبير الدموع اصدق من لساني
فمان الله مافكرت بالفرقا لكـن مجبـور
فمان الله وين القى حبيب و وين يلقانـي
فمان الله سامحني اذا مني لقيت قصـور
فمان الله واعذرني جفيتك قبـل تجفانـي
فمان الله ما يمحى غلاك سنين والاّ شهور
فمان الله كيف انسى غلاك وكيف تنساني
فمان الله وادعني وداع الغالـي المقبـور
فمان الله وان طّـوّل غيابـي لاتحرانـي
على شاني تقبل كل شي وخاطرك مسرور
تقبل كل ماقلته ولا تزعل علـى شانـي
انا لو في يدي حيله او ان بداخلي مذخور
ما والله تسمع الفرقا وطاريها على لساني
ولكن الزمن زادت جروحه والسنين اتبور
عيوني للسعد بس السعد مـر وتعدانـي
فمان الله مافكرت بالفرقا لكـن مجبـور
فمان الله تعبير الدموع اصدق من لساني
حمد المري
مما راق لي