السلام عليكم ورحمه الله وبركآته ,,
بخصوص "العناوين المبهمه" هي اللي ماتدل على
نوع المشكله اللي بداخل الموضوع مثل
(ساعدووووني , مشكله كبيييره , بليز الحقوووني , لو سمحتوووا , سؤااال عاااااجل)
مو صعبه لماتقولي مثلا لنا بالعنوان [ متى موعد الانسحاب من المقرر ] مثلا بدل هذي الجمل المستفزه خصوصاً ان البعض يوصفها بالمشكله الكبيره
ولما ندخل موضوعه نحصله شئ بسيط ولا يدل عالعنوان ابداً !!!
يعني اسلوب انك تخدعي الاعضاء عشان يدخلون موضوعك ترى
مو حلوه وما اظن ان فيه احد راح يقدره و يرد عليك ! فـ ياليت يكون فيه مصداقيه
ولما اقول لمصلحتكم لأنه فعلاً لمصلحتكم , راح تسهلون علينا اننا نساعدكم,
لو كل "عضوه "ذكرت بعنوان موضوعها حتى لو كلمه تدل عالمشكله ,
ماقلنا قولوا القصه كامله بالعنوان !!لكن عالاقل تعطينا لمحه عن محتوى الموضوع بيسهل عالأعضاء مساعدتك ,
ممكن فيه عضوه جايه بس تقرا لكن شافت من عنوان موضوعك مشكله عندها
خبره فيها هالشئ بيخليها تدخل وتعطيك من خبرتها اما اسلوب "الحقوني/ مشكله كبيره" راح يتم تجاهلها وبكذا انتي الخسرانه
وبليز لا تخلونا نلجأ للتصرف اللي ما احبه وهو "اغلاق الموضوع" مباشره
حتى لو كانت مسألة
حياه او موت بسبب ان العنوان مبهم !
اتمنى الإلتزام من الجميع , كل هذآ آولآ وآخيرآ لمصلحتكم
بالتوفيق ,,