من زماااان ودي اسوولف لكم عن حاجة بس دايما انسى او اكون مستعجلة

المهم ابسولف لكم عن منتدى اخذنا الآن سنه من تقفل كذا بدون سابق انذار ولانعرف الاسباب ولا جاتنا رسائل على الايميلات ايش صاير وايش السبب كذا فجاءة شك بووم اختفى من قوقل حاولت وإلى الآن عندي امل اني احصله يوم من الايام ويرجع


منتدى اسمه " منتديات الضباب "


سجلت في منتديات كثييييييره ومااستمريت معها واحيانا اسحب من الملل لكن هذا المنتدى كان قمه قمه ماشاء الله بكل شئ من أعضاء ومواضيع ومشرفين واسلوب وكل ابوو شئ وتعلقت فيه كثييييير وقدمت حاجات كثيره مره مره مره تعلقت بالاجازة اربع وعشرين ساعة مسنتره فيه كل الاقساام تتحرك كل الاعضاء نشيطين ومميزين كل مجموعة عندها شئ تتميز فيه ( تصوير - تصميم - كتابه - فلسفه - ........) صحيح كلهم اعمارهم كبيرة لكن حتى اللي بالثانوي ماشاء الله مايبين عليه فيه رجاحة عقل مثل الكبار ويمكن احسن وتواصل الاعضاء مع بعض وسؤالهم عن بعض لو يختفي العضو يووم بس يعني ايش اقوول لكم يمكن هو المنتدى الوحيد اللي اقدر اقول عليه منتدى top


اي صح ماقلت لكم كنت اشارك في قسم التصوير على ايام الكام القديمة وصاحب المنتدى كاتب ومصووور سعودي بقول لكم اسمه بعد شووي كان يشجعني كثيير وهو اللي حمسني على الكام الاحترافيه وبعدين رشحوني للإشراف وخيروني بين ثلاث اقساام واخترت التصوير وقلت لهم لو في مجال مع انو مشاركتي كانت قليله اغلب شئ بالاقساام الثانيه وبعدين تم تعييني مشرفه على قسم التصوير والصور كانو قسمين مو مثل هنا قسم واحد المهم لمن صرت مشرفة طرت من الفرح منتداي الغالي احبه وبعد اكون مشرفه فيه يافرحتي ومن اول اسبووع انقل مواضيع وارتب وازين <<<<بنت جيدة ^^


المهم ماقلت لكم اسم صاحب المنتدى


الكاتب والمصور السعودي " ياسر المعلا "

يمكن في كثير اسمعو عنه

بصراحة كتابته حلووه ولسه اتاابع له وراح اعرض لكم بعض من مدوناته ومشاركاته في المنتديات


وانتهت القصه

لكن والله الى يومكم كل مره ادور على هذا المنتدى بالنهاية قلت مافي الا اخذ ايميله من المدونات واسأله برساله ايش صار على المنتدى



.....