ذكرتك وانا مالي على الضيق وسعة بال
وكتبتك قصيدة عشق معنى وقافيه
يقولون ويش اشد من دمعه الرجال
وانا اقول فرقا من تحبه علانيه
يبي يطيح دمعٍ وينهمر شعر واسترسال
وتعيش العمر في غيبته تنطر الجيه
"وانا لي سنه وشوي على هالحال"
اعد القصيد العذب واسوق رجليه
مأمل .. وحال الحول الاول والاخر حال
ولا باقى الا ذكرياته وطاريه
يا غصن الغرام الي سقاه القصيد ومال
ما مرك سحاب الوصل في يوم عصريه
وما ذكرك بطيبي معك والليالي هزال
ولا علموك بغيبتك وش جرا فيه ..؟
ولا حركك شعرً بكالك على الاطلال
وانا خابر دمعك على راحة ايديه
قسيت وقست الايام وتغيرت الاحوال
وانا كني واطي جمرةً حيه
وقف دونك الوقت الشقي والقدر والفال
واحسك بعد هالهجر ناوي على نيه
وانا ما اعتبرها كوبه من يد الخيال
ولا اقول ظروف بعدك طبيعيه
"لكن طالبك لا تعتذر عذر ما ينقال"
ترى العذر ينفع بالصدور الشماليه
ترى الشمس ما تحجب عن الارض في غربال
"و لا زلت عندي بالصفوف الأماميه"