ملتقى طلاب وطالبات جامعة الملك فيصل,جامعة الدمام - عرض مشاركة واحدة

Dr. nsroon · 2013- 3- 2

احس اليوم الكل متآمر علي

بالاول قريت هذي
http://www.ckfu.org/vb/8399289-post1.html
وسمعت شيلتها ودمعتي قربت على طريف

يعدين درعمت على هذي
http://www.ckfu.org/vb/8403720-post170.html
ودرعمت معها دميعتي

وكلها بسبب صديقاتي

الفجر ارتب دولاب ذكرياتي اناظر بغبائنا واضحك
اشياء من تفاهتها الود ودكم تحرقونها
بس تعني لي الكثير يكفي ان هالتفاهه
كانت تحمل قصه لها معنى كبير بداخلي

فيه مفتاح مكيف كان مكسور بعدني محتفظه فيه

كان بأحد الفصول الخربانه واخذته يومها اضغط عليه توقف المعلمه الشرح وتلتفت
وانا افطس ضحك لاني اضغطه على اساس رموت كنترول لتوقيفها
وهي بس تسمع الصوت توقف وتلتفت هههههههههههه

وجلس معي لاخر السنه ولا انصاد

وعندي علبه علكة اكسترا
العلبه الذهبيه ههههههههههه

تهاوشنا على اخر حبه بالعلبه
واخذتها انا واخذت العلبه معها

والعلبه فيها خواتم غبيه ورسائل الفصل
من تحت الطاولة على اوراق الملاحضات

وحصلت سوارة من الخيوط اهدتني
اياها صديقتي وانا بثالث متوسط

ابي البسها ماتجي علي ههههههههه
كنت عصلا ومجرد عظم مكسو بالجلد

ومسويتها خصوص لي عشان تناسب يدي

لان ولا سواره اقدر البسها من وسعها

وحصلت دفتر البدليات هههههههه
عاد هذا اجمل شي كنت ما امشي من دونه

واي كلجه اقفطها بالدفتر والعجيب ان كلجاتي اكثر منهم ههههههههههه

والله ايام الثانوية مستحيل يجي مثلها ولو خيروني بين مستقبل مبهر
وبين ماضي ثانويتي لااختار ارجع للماضي مع صديقاتي

الوحيده اللي بقت معي من صديقاتي هي حنو الشهري

^
هالمخلوقه كنت اشوفها بأول متوسط
يكرمونها دائما ضمن الطالبات المتفوقات والمثاليات

بثاني متوسط بديت ادخل الاذاعه وكنت اشوفها بالطابور احيانا

بثالث متوسط صاحبت صديقتها وكانت تمشي معنا دايم
بس ماكانت تحبني

او يمكن ماتتقبلني لاني اخذت صديقتها

تصدقون ما قد سئلتها ليه كانت تطنقر علينا

المهم بأول ثانوي كانت جنبي بالفصل وعلى كثر مشاكلنا بالفصل وعلى كثر هوشاتنا
الا انها بدت تدخل هنا

بكل صمت

وثاني كل الشله مع بعض بنفس الفصل وعلى نفس الطاولة

تخيلوا سته محشورين بثلاث طاولات واربع كراسي
اشفقت علينا وحده وحولت ادبي والثانيه حولت ورى
صرنا اربع وعلى كثر ماحاولوا يفرقونا الا انه مالهم امل

وبثالث فرقونا بتوصيه من احد المعلمات

بس كنت انحاش من الفصل عشان اروح لهم الفصل الثاني

وجلست ثلاث الى اربع سنوات بالبيت ماعندي غير حنو وماعند حنو غيري

وبالصدفه سجلنا انا واياها بالجامعه تعلم عن بعد ادارة اعمال بدون لا ندري عن بعض
والله يوم قالت لي توقعتها تستهبل علي ماكنت مصدقه لاني انقطعت فتره عنها

بس القهر هي بفيصل وانا بالدمام تمنيتها معي بجامعتي
او انا معها لو كنت ادري بتسجل كان اتفقنا على جامعه وحده
كود اقابلها بالاختبارات بعد هالغيبه

السنه الجايه لزوم اسوي كيكه احتفال بصداقة 10 سنوات

الله لايغير علينا ويديمنا لبعض يارب

2013- 3- 2	#367
Dr. nsroon صديقة كلية إدارة الأعمال الملف الشخصي: رقم العضوية : 112381 تاريخ التسجيل: Sat Jun 2012 العمر: 33 المشاركات: 25,342 الـجنــس : أنـثـى عدد الـنقـاط : 408029 مؤشر المستوى: 717 بيانات الطالب: الكلية: الدراسة: انتساب التخصص: المستوى: دراسات عليا	رد: لو الدلع يكتب كـتب بـ إسم { نصرون } ..! احس اليوم الكل متآمر علي بالاول قريت هذي http://www.ckfu.org/vb/8399289-post1.html وسمعت شيلتها ودمعتي قربت على طريف يعدين درعمت على هذي http://www.ckfu.org/vb/8403720-post170.html ودرعمت معها دميعتي وكلها بسبب صديقاتي الفجر ارتب دولاب ذكرياتي اناظر بغبائنا واضحك اشياء من تفاهتها الود ودكم تحرقونها بس تعني لي الكثير يكفي ان هالتفاهه كانت تحمل قصه لها معنى كبير بداخلي فيه مفتاح مكيف كان مكسور بعدني محتفظه فيه كان بأحد الفصول الخربانه واخذته يومها اضغط عليه توقف المعلمه الشرح وتلتفت وانا افطس ضحك لاني اضغطه على اساس رموت كنترول لتوقيفها وهي بس تسمع الصوت توقف وتلتفت هههههههههههه وجلس معي لاخر السنه ولا انصاد وعندي علبه علكة اكسترا العلبه الذهبيه ههههههههههه تهاوشنا على اخر حبه بالعلبه واخذتها انا واخذت العلبه معها والعلبه فيها خواتم غبيه ورسائل الفصل من تحت الطاولة على اوراق الملاحضات وحصلت سوارة من الخيوط اهدتني اياها صديقتي وانا بثالث متوسط ابي البسها ماتجي علي ههههههههه كنت عصلا ومجرد عظم مكسو بالجلد ومسويتها خصوص لي عشان تناسب يدي لان ولا سواره اقدر البسها من وسعها وحصلت دفتر البدليات هههههههه عاد هذا اجمل شي كنت ما امشي من دونه واي كلجه اقفطها بالدفتر والعجيب ان كلجاتي اكثر منهم ههههههههههه والله ايام الثانوية مستحيل يجي مثلها ولو خيروني بين مستقبل مبهر وبين ماضي ثانويتي لااختار ارجع للماضي مع صديقاتي الوحيده اللي بقت معي من صديقاتي هي حنو الشهري ^ هالمخلوقه كنت اشوفها بأول متوسط يكرمونها دائما ضمن الطالبات المتفوقات والمثاليات بثاني متوسط بديت ادخل الاذاعه وكنت اشوفها بالطابور احيانا بثالث متوسط صاحبت صديقتها وكانت تمشي معنا دايم بس ماكانت تحبني او يمكن ماتتقبلني لاني اخذت صديقتها تصدقون ما قد سئلتها ليه كانت تطنقر علينا المهم بأول ثانوي كانت جنبي بالفصل وعلى كثر مشاكلنا بالفصل وعلى كثر هوشاتنا الا انها بدت تدخل هنا بكل صمت وثاني كل الشله مع بعض بنفس الفصل وعلى نفس الطاولة تخيلوا سته محشورين بثلاث طاولات واربع كراسي اشفقت علينا وحده وحولت ادبي والثانيه حولت ورى صرنا اربع وعلى كثر ماحاولوا يفرقونا الا انه مالهم امل وبثالث فرقونا بتوصيه من احد المعلمات بس كنت انحاش من الفصل عشان اروح لهم الفصل الثاني وجلست ثلاث الى اربع سنوات بالبيت ماعندي غير حنو وماعند حنو غيري وبالصدفه سجلنا انا واياها بالجامعه تعلم عن بعد ادارة اعمال بدون لا ندري عن بعض والله يوم قالت لي توقعتها تستهبل علي ماكنت مصدقه لاني انقطعت فتره عنها بس القهر هي بفيصل وانا بالدمام تمنيتها معي بجامعتي او انا معها لو كنت ادري بتسجل كان اتفقنا على جامعه وحده كود اقابلها بالاختبارات بعد هالغيبه السنه الجايه لزوم اسوي كيكه احتفال بصداقة 10 سنوات الله لايغير علينا ويديمنا لبعض يارب
	التعديل الأخير تم بواسطة Dr. nsroon ; 2013- 3- 2 الساعة 07:02 PM