السلام عليكم اولا يا الخالدية .....
مدري وش أرد وش أقول أقول كلامك صح وأنتي تكلمين عن شي ما بعد الجامعة وهذا بعلم الغيب وعلمه عند الله . أم عن الوظيفة والأرزاق بيد الله سبحانه .أم عن أبن البلد والدكاتره الأجانب ولو إني ضد كلمة أجنبي لأن العربي مهو أجنبي . نبدأ الرد على بركة الله أولا مادام تحبين هالتخصص وداخلته من رغبة ماعليك من له مستقبل أو ماله مستقبل لإن العلم والدراسة شي طيب وممتع للإنسان على الأقل يحس أنه تعلم شئ بغض النظر عن التخصص وثانيا موضوع الوظيفة ومابعد الحصول على الشهادة أنا دخلت الكلية التقنية من أول يوم والناس تصيح علي مالها مستقبل شهادتها ماتنفع ويوم الله أراد وأمرني على الخير كملتها وأخذت شهادتها ورزقني الله وهي كانت السبب المباشر وثالثا بالنسبه لعيال البلد اللى جالسين والأجانب على قولتك يدرسون الدكاتره عندها شهادات عليا وماجابتهم الجامعة الا بشروطهم لأنه وصل مرحلة من العلم علمه يميزه وإبن البلد رزقه معه وبعدين اللى تخصصاتهم مميزه وخصوصا بالبنات جالسات ببيوتهم لهم عشر سنوات وأكثر يمكن وإمر المسلم كله لغير وأنتي فكري بدراستك هالحين وإذا الله وفقك وخلصتي هاك الحين أخذتي بالأسباب والرزق عند الله ونسال الله أن الله يوفقك ويسترك ويرزقك بولد الحلال الصالح اللى يسعدك وتسعدينه .