لو بتكلم عن مهور اول فـ امي مهرها 100 وعمتي 120
طبعاً هذا من غير كسوة الاهل والعائلة الكريمه
واذا الرجال كريم كسوة بعض الحضور

بدت تنخفض المهور لـ 80 وفجأه 40
لين تفاجأنا بـ مهر زوجة اخوي 10 واختي 12
بدون الذهب والقاعه والكوشه وبعض الخرابيط

وفي الحقيقة انا اقول لابوي ماعندي مانع لو زوجتني بأقل من اختي
بس انا مابي الزواج بكبره


من 10 الى 20 هذا لمن اتزوج من واحد من عائلتي
يعني ولد عمتي او ولد خالتي
اما من برا العايله من 30 الى 40 واذا من فخذ ثاني دايم يشطحون
يبون ينحشون عيال الفخوذ الثانيه


وصحيح بنات خالتي ثنتين تزوجوا اخوان حُرّث
وحده بـ 5 والثانيه بـ 20
< ابوهم

واللهم لك الحمد عايشين ومرتاحين