كنت قبل شوي عند ابوي واهمز له رجيلاته لين ينام
ولانه ماتجيني السوالف الا اذا جا يبي ينام ابوي
انطردت من امي ههههههههههه
من السوالف اللي طريناها جبنا طاري حسن زوج بنت خالتي
وقالنا ابوي سالفه حكاها له
حسن كان من الجنود اللي بالحد لجنوبي ايام الحوثيين
وفي مرةٍ من المراير
يقول كننا نطلق النار على اللي قدامنا وشوي الا النار تنطلق من ورانا
وراهم مافيه شي الا بيت من بعيد شوي وفتشوه ومافيه شي
رجعوا يطلقون النار الا الاطلاق من وراهم يزيد
ويقول من بعدها ساعتين متخبين وراعقم موب قادرين نطلع
والاطلاقات موب راضيه توقف واول ماحصلوا فرصه داهموا البيت
لان الصوت طالع منه ماحصلوا احد الا يحصلون مثل السجاده معلقه
على الجدار ويشيلونها وراها باب
فتحوا الباب الا فيه ممر ضيق واخره درج
وينزلون هالدرج والمصيبه العظمى
دور كامل تحت الارض اكبر من البيت نفسه
فيه 17 رجال بحريمهم واطفالهم نص حريمهم جيزانيات وهم كلهم حوثيين وصخين
والمكان كله اسلحه وذخاير
عاد ما خليت ابوي يكمل السالفه انفعلت
وصرت اسب واهزء واهاوش
ابوي يحمل اهل جيزان جزء من المسؤولية
وانا ادافع عنهم لان نيتهم صافيه
يقول كانوا يتسللون اليمنيين ويتخبون في بيوت الجوازنه
في بعض الناس من طيب اصلهم ومن شهامتهم يزوجونهم بناتهم
بعد مايتعودون عليهم ويتسترون عليهم بدون لايعرف الفرق بين اليمني وبين الحوثي
وتحصل الحوثي النجس يهرب اخوانه ويخبيهم عن راعي البيت
وهالشي حصل مع ابو واحد من اصحابه بالعمل
زوج بنته لحوثي وعلى باله انه يمني طبيعي
وتستر عليه والخبيث دخل اهله وتستر عليهم
توفى الحوثي والبنت عند اهلها وعندها عيال
بس كمان ارجع واقول هم مالهم ذنب
ايش عرفهم بخباثة الحوثيين وايش اللي يدريهم انه راح يسسون كذا