|
رد: عطني كلمه واعطيك بيت *_*
حبيبي من عقب جرحك يسموني عديم احساس
يسموني الغريب اللي مضيع فالوطن اهله
توهمت الغرام وقمت طيبي أوهبه للناس
توقعت الذي أعطيه خير يرد لي بمثله
يقولون العمر غالي وأنا أقول العمر ألماس
تحذر تستوي فالحب فريسه عالمحب سهله
وجرح الحب لو يكبر أبد مابعلن الإفلاس
أكابر ع الجروح اللي دماها فالحشا ضحله
تسمع كيف ضحكاتي تسوي للفرح أجراس
أحاول أبتسم دايم ..وبسمات الثغر سهله
ليالي الحب ماترحم..وعيني محاربه الانعاس
حروف القاف تسهرني..وابات الليل في عزله
اضيع دنيتي لجلك!!..حشا لوتنقطع الانفاس
ولو قالوا دوى عيني معك ماتستوي كحله
مكاني كان ماتدري..هناك هناك فوق الراس
وعزة نفسي لنفسي..مشيت إبها وانا طفله
بقايا خافقي لجلك..نصيبك من بقايا الكاس
تفضل ذوق حسراتي..وعيش الدور مع فصله
"ولي فالجدر قالوها اكيد يطلعه الملاس"
خصال السوء جامعها..يابخت اللي معه خصله
وعرق الآدمي دايم..على مر الزمن دساس
وكل انسان فالدنيا تراه يسوي بأصله
بقـــــــــايا خافقـــــــــــي """""""""""""
|