المهور ماهي كثيرة وهي هي من عرفت نفسي ماارتفعت ولاشيء وكان الكل يدفع وعادي لكن المشكلة
في الغلا وارتفاع الاسعار واول شيء ارتفاع اسعار الذهب والايجار ات بالنسبة للي يبي يستاجر بيت والزواج اذا
بكون في صالة اوقصر ووووالخ وبالنسبة عندنا مو الاب الي يحدد مهر البنت هو مبلغ يكون متفق عليه ومحدد
والي يحدده اهل القبيلة بحيث لايزيد ولاينقص حتى وان كان المعرس من فخذ ثاني او حتى مو من ديرتنا من
الاساس ولازم الكل يمشيء عليه الا في حالة ابو العروس تكرما منه لمن يجي العريس يعطيه المهر يرجع له
مثلا عشرة او عشرين من باب التيسير والمعاونة ,, او ان المعرس يكون قريبه طبعا مهورنا 40 الف ويوم
الملكة لازم كسوة وتكلف الكسوة من السبعة الاف الى العشرة الاف وبعضهم يحطها طقم ودبلة وعطور
وساعة ومعاها الفين او ثلاثة او انه يحطها كلها فلوس ..يعني المهر بالكسوة تكلف 50 الف والملكة غالبا ماتكون حفلة كبيرة وتكون على اهل العروس وبالنسبة للزواج احيانا ع المعرس واحيانا مشاركة بين المعرس واهل العروس .المهم ان
الاربعين الف هاذي تزيد عليها العروس واهلها لانها معادت تكفي بالذات مع ارتفاع اسعار الذهب
والملابس و....الخ ومثل مايحط المعرس حتى ابو العروس يحط والله يعين وييسر والاهم من هذا كله السعادة والتوفيق ..