ملتقى طلاب وطالبات جامعة الملك فيصل,جامعة الدمام - عرض مشاركة واحدة - تنويه بالغ الاهميه حتى لاتخسر درجات المشاركه(الاعمال الفصليه)

حماااده · 2013- 3- 5

اقتباس:

المشاركة الأصلية كتبت بواسطة ghadaalshammari

اخي حماده

انا قلت الافضل لكم اعتمدوا على الافتراضي
وماجبت هالكلام من راسي
ماقبل الترم الماضي
كانت هناك نسبه كبيره من نزول درجات المشاركه ( الاعمال الفصليه )
شكوا الطلاب واحتجوا ولم تعاد لهم درجاتهم
اكثرهم اعتمد على البلاك بورد
وكتبت العماده في المنتدى الرسمي للجامعه توضيح باسباب النقص
اهمها ( المشاركات المزدوجه كمشاهدة محاضرتين بنفس الوقت )
بما ان النظام يخربط ويدوخ ولايحتسب مشاهدة محاضرتين بنفس الوقت
فأكيد انه مايحتسب تحميل محاضرتين بنفس الوقت

كتبت هالموضوع لحبي الخير لكم
وماألفت من عندي عشان انا سويت كذا اخذت كذا

كتبت من واقع تجربه ومن قرائتي لتوضيح العماده
ونحن لم ينفعنا بعد توفيق الله الا تجارب من سبقنا جزاهم الله عنا خير

وفقك الله

شكرآ لكم نورتوا يالغوالي
اسأل الله أن يكتب لكم النجاح والفلاح في الدارين
واعتذر ان كان في الموضوع ازعاج او سببت لخبطه وتشتيت لكم

سالفه الافتراضي والبلاكبورد < ما علقت عليها

العماده ما تتدري

..
وش يعرفها !!! :\
وحده مثلها مثلك ومثلي .. المبرمج يسلم لهم ويكون له اداري .. والاداري هذا ما يعرف كيف تبرمج
بس ياخذ النتيجه النهائيه فقط لا غير ..
فكيف بعميده مالها اي علاقه

انا عارف انك تشرحين تجربتك .. بس تجربتك كانت حذره فقط .. ولاتجعلك قادره ان تردي على ان الذي يحمل محاضرتين بفنس الوقت " تنقص درجاته " !!! ابد تجربتك لا تخولك ان تجيبي على الناس بهذا الرد .. بس حلو انك تقولي هذي تجربتي فقط ولا اعلم اذا حملتوا وش يصير بس انا انسانه حذره

وللمعلوميه ..
العماده اذا هي معلقه هالتعليق .. فهو" تسليك للطلاب " طبعا دام فيها " سيستم " هذي لعبه اي شخص بيسلك لك يقول لك سيستم خربان .. انتم مو فاهمين الطريقه <!!!! وهذي تصريفه اي ادراي .. ما يدري وش السالفه .. والعالم ( احنا ) نصدق !!

لان فيه طلاب اتوقع يخلون مكتابات تسوي لهم التحميل وكل شيء .. فيكون المقصر الي يحمل نفسه .. او يكون الطالب يتعب ويحميل وهو ما يدري وش حمل وما يدري وش ترك !!
او يكون خلل في النظام زي انه تعطل .. والطالب كان يحمل ويتعب ويكرف .. ثم تعطل
مثل انك تكتبي موضوع بالمنتدى ويتعطل المنتدى .. او يخترق فيكون اخر موضوع نزل ممسوح
اذا كان المنتدى ما ياخذ باك اب كل شوي :\ ..
( تعليقي هذا لاني اعرف كيف الواحد يبرمج .. وكيف يستلم البرنامج للي طالب البرمجه)
فكذا انتي طريقتك ناجحه لانها حذره جدا وتمشين على الحيط :\

ترا انا ردي هذا مو المقصد منه ( تحجير واظهار عضلات) .. فقط علشان اضع الفايده
اقدر اسلك واقول ايه ايه

والله يوفق الجميع