|
حـروف اسـمـك قـصـيـدة دوووم اغـنـيـهـا
لا جيت أكتب حروف اسمك على صفحة بحر هادي
تصير أحلى قصيدة حب مع الأيام أغنيها
أخذت من البحر صمته عطيته أجمل أعيادي
وأخذت من السهر دمعة تعزيني وأعزيها
أنا في وادي لحالي وباقي الناس في وادي
اسج بعزتي عنهم ولا أدري وش تواليها
أنا حبي صعيب الوصف أنا حبي مهو عادي
تسافر بي سنين الشوق وأظل بدمعي أسقيها
تعبت أكذب على حلمي وأقول اليوم معيادي
تعبت أبحر على مركب ولا أدري وين أرسيها
تعبت أكتم قهر حبي وأعاند كل حسادي
ولا ودي أحد يدري حياتي وش جرى فيها
أنا في يوم حبيتك أحسه يوم ميلادي
قصايد قلتها لأجلك كتبتك في قوافيها
ترى لو طالت الغربة تصير عيونك بلادي
وأظل أذكر بها أحلى ثواني عشتها فيها
وإذا مات الأمل فيني يظل الشوق بفؤادي
وتبقى لي حروف اسمك قصيدة دوم أغنيها
|