http://www.ckfu.org/vb/8426499-post2.html

^
بقول القصة كاملة تبع هالسؤال

-ما هو أصعب أو أحزن موقف مر عليك في طفولتك ؟
بما اني ماحبيت اطول بها بالموضوع

حقيقةً كان يوم شؤوم اصلاً كان ايام مراجعة وانا مابي اروح
وامي قالت موب على كيفك اللي حصل اني داومت غصبن عني
وهناك جمعونا كلنا بفصل واحد بالدور الارضي
وجمعوا كل مرحله بفصل من فصول اوائل مابقى غير فصل واحد لانه كلهم داوموا
وخلوهم فوق بفصلهم مانزلوهم المدرسة كان منتشر عنها انه فيها جن
ومن اليوم البنات يسمعون اصوات او بالاصح يتوهمون اصوات
شوي الا بنات الصف الثالث نازلين ركض ويصيحون تحف تحف وربي هههههههههه

ومدري وش جاني من شجاعه انا والخبلا صديقتي طلعنا نبي فصلنا نجيب مساحه وطباشير هههههههههه
وبس وصلنا عند فصلنا سمعنا صوت منبه الساعه اشتغل من صف ثالث
الخبلا صديقتي راحت تطفيها وانا خبلا ما تحركت من مكاني واقفه بنص الساحة
ورجعت صديقتي ومشينا شوي الا رجعت اشتغلت راحت وهالمره رحت معها < الخوف ومايفعل
وقفلت منبه الساعه طلعت قبلها بس قفلنا الباب اشتغل المنبه وقالت ترا شلت البطارية
انا من الخوف صرخت ونزلت وهي وراي ولا ادري عن صدقها من كذبها اذا هي فعلاً شالت البطارية ولا لا

شوي بدت رحلة الشجاعه عند البنات يطلعون على دفعات الدور الثاني وينزولون يصارخون
وكل شوي تطلع قصه اللي يقول سمعت صوت باب انقفل واللي يقول شفت ضل احد يمشي بفصلنا
واللي يقول اسمع اصوات الطاولات تطيح ويوم نفتح باب الفصل نلقى الطاولات مرتبه
انا ما ادري عن اي شي من هالكلام بس اسمع اصوات البنات يصارخون وامسك على قلبي
وبعدها رفضوا المعلمات اي احد يطلع فوق وكان فيه بنات يتسللون وينزلون يصيحون
وحنا قضينا يومنا بقصص جن والعالم الله انها كلها من مخهم
وبس انتهى الدوام على خير < اي خير وقلوبنا طاحت

طلعت من المدرسه ويادوب خطيت خطوتين وتعديت المدرسه الا توقف سياره فيها شباب
ماشفت الا الاثنين اللي نزلوا واللي ورى يقول امسكها امسكها
في صغري كانوا يسموني الزئبق لاني كنت فطفوطه وصعب احد يمسكني ههههههه
على طول انحشت ورى الصالون وتخبيت واسمعهم وينها وينها
اخبر اني تسحبت من ورى سياره الى الثانية لين بعدت شوي عنهم شوي الا السياره حركت
وانا ماتشوفون الا غبرتي للبيت ركض طبعاً عادي متعوده على السيارات اللي تلحقني
بس اول مره واحد نزل ويقول امسكها

وصلت للبيت ووقفت حول الساعه الا .. تحت مابي اطلع
والسبب سردابنا قبل كم يوم حصلوا فيه اثار شخص ساكن فيه
ونادوا على الشرطه وبعد البحث والتحري والخرابيط والازعاجات اكتشفنا انه سكران
حصلوا نص تلفزيون وكنبه ومكتبه مكسورة داخلها قوارير خمره

ماعلمونا انه سكران سكتوا وحنا فكرنا انه السفاح وغير كذا كل دور فيه شباك يطل على المدخل
كل الشبابيك كانت تتهئ لي انها حمرا تولع وتنطفي ومن الخوف ماقدرت اتحرك
وبقيت واقفه ومابي اطلع لين جا جارنا وبس وقف سيارته انا ارتحت طلعت ركض وانا مغمضه عيوني
عشان لا اشوف شي يخوفني كمان