ملتقى طلاب وطالبات جامعة الملك فيصل,جامعة الدمام - عرض مشاركة واحدة

صَعب · 2013- 3- 9

اقتباس:

المشاركة الأصلية كتبت بواسطة نصرون

بما ان شموع وضحت المقصد فـ اوضح قصدي انا بعد

الشات من الاخر كله ماقد تشرفت ودخلت شات غير مره وحده وراح اذكر السبب لاحقاً

بالاول بذكر قصة لـ صديقة اختي ممكن تكون مسجله هنا ما ادري
بس بالتأكيد ان فيه اشخاص بيعرفونها < ماتلمح لشيء

صديقة اختي ايام الثانوية كانت معروفه بأحد الدردشات
وكانت محترمه نفسها ومع ذالك الشباب معها كذا

لين جا الوقت اللي تركت فيه الشات بسبب اختي وبقية الشله
هددوها لو دخلت مدري شيسوون فيها بعد مده طويلة دخلت وحصلت احد المروحين اللي كانوا يزعجونها
بس عاد هالمره تخطى حدوده اخترق كمبيوترها وعرف عنها معلومات ومن ضمنها بيتها
وهددها لو قصطعت هالفتره لاتلوم الا نفسها على انها كانت خايفه منه الا انها مادخلت بعد هالمره ابد

كنت أسألها عن الشات وش وضعه قالت اذا تبين نفسك لاتدخلينه
كله مضيعة وقت وقلة حيا ومصخره .. وهذا اللي كنت اسمعه من الكل
وبسبب كلامهم كرهته الا ان جاء يوم وفتحت موقع وطلعت لي احد الدردشات
ودخلوني بإسم ناصر

وكنت اقرأ فقط وياليتني ماقريت شيء مخزي انحطاط اخلاق تعوق فكري وديني استغفر الله
طلعت ولا كأني شفت شي واحيانا ادخل مواقع تدخلني على شات وما اقرأ غير المصخره والانحطاط

المره الوحيده اللي دخلته برضاي كنت بمنتدى
ومن الطفش اقترح احد الاعضاء من القروب اللي كنت فيه
نهجم على شات المنتدى انا وهو وعضوه معنا
ودخلت الشات وللأمانه هو الشات الوحيد اللي مالقيت فيه هالمصخره
ولاحظت المحافظة بإنتقاء الالفاظ واي احد يلمح لشيء ينطرد من الروم

الا انه كان مضضضضضيييييييييعه وقت

اما الصوتيه ما تجرأت ولا بتجرأ ابد اني ادخله

اما شات الفيس بوك فـ ماشفت فيه اي فائدة ترجى الا ماندر
كنت بأحد قروبات الدفاع عن الوطن وكنت اجتمع بالشات مع اعضاء القروب
لـ الهجوم على الصفحات المسيئة واغلاقها

اما البقية فـ مدري وش الفايدة من محادثتهم على الشات
يمكن خصائص الفيس بوك الحديثه تخليك تختار اللي تبي وتمنع الدردشه عن اللي تبي
اما على ايامي مافيه غير خيارين يا افتح يا اقفل

وخلاصة الكلام الشات الكتابي والصوتي سلبي 100%
وبعضها ايجابياتها 2%
ولاحد يقول ترفيه وسعة صدر لان هذي مضيعة وقت
ويقدر يوسع صدره ويرفه عن نفسه بمواقع افضل من هالمستنقع

برافو عليك نصرون هذا اللي قصدتة بالضبط ان الشات نفسة اللي يحكمه شروطه واخلاقياته وأهدافة وقبل هذا كله سلوكيات واخلاق المستخدم ....

أكتفي بهذا الرد للموضوع ذا .. ولكم ودي قبل ردي ....