|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
سلام ياطيرن تخيّر بالاغصان
قام يتخير منبره من على الدوح
ثم حط بالمنبر مكاييل واوزان
ثم (ن) ملا الميزان من البوح والنوح
حريص ما يبغي بزودن ونقصان
ويفضفض الحانن تراكم على الروح
يا صادح المزمار يا شيخ الالحان
عندي سؤالن في المضامير مطروح
هو انت لك في مبعد البعد خلان
والا انت من صكات الايام مجروح؟
اشوف قلبك بيت ما فيه بيبان
يجي معه شوقن مع الباب وايروح
لا شك اشوفك فوق الاغصان فتّان
والشكل هو واللحن يا طير مملوح
قامت تراقص لك م الالحان عودان
ثم انهبل من لحن الاشجان لك لوح
يا خوفي انك بس تبكي خبر كان
تبكي وليفن صار م العمر ممسوح
ابا اكتب الحانك على وجه جدران
يوم ان سرك صار بالغصن مفضوح
|