ملتقى طلاب وطالبات جامعة الملك فيصل,جامعة الدمام - عرض مشاركة واحدة

GLitter Sun · 2013- 3- 10

اقتباس:

المشاركة الأصلية كتبت بواسطة ghadaalshammari

قلم حبره ذهب

طرحت قضيه يعاني منها الكثير من اخواتنا

لكن قبل ان اناقشك

لي عتب عليك

جوالآت نوكيا كانت هي الاصل ليه الخيانه يالربع هههه
الحين صار زمنه مهو زين ولازم ينقرض
لاتشبه هالخايسين بجوالات نوكيا يانايل

انا من عائلة سوني اريكسون لكني لا زلت احترم نوكيا واحن لها ولماضيها الجميل
زمن الاندرويد رغم التقدم والتطور
الا انه زمن قبيح وحزين وسريع ومخيف

عوده للموضوع

هؤلاء الفئه متواجده بكثره واستغرب ان الغاليه نصرون ماسمعت فيهم
معقوله نصرون انتي بالسعوديه ؟؟

انا قبل كم شهر كاني لي موعد بالمستشفى مع جراح مصري شايب
قال انتي متجوزه يابنتي
قلت له لا شعوريا اعوذ بالله !!

هو استغرب قال ليه هما الرقاله شر تتعوذي منهم ههههه

قلت لا والله يادكتور بس قريباتي وزميلاتي مروا بتجارب صرت اخاف اكررها

قال وانقل لكم كلامه بالحرف يااخوان حتى تقدرون المرأه السعوديه وانه لامثيل لها

قال : الستات في السعوديه يتوزنوا ذهب دول مافيش زيهم
دول زي ستات زمان < يقولها وهو مستغرب
تيجي حامل وعندها اكثر من خمس ولاد بالبيت وتراجع في المستشفى وتولد لوحدها
وتخرج لبيتها وبيت وولاد وطبيخ وتربيه وكل حاقه فوق دماغها
وبعد كم شهر يتجوز عليها ويقول" حنا ماعندنا حريم زي العالم"

يقول انا زوجتي تنتظر لين اجي من الشغل عشان اغسل معاها المواعين

ماشاف ربعنا رجال اخر زمن حقين الاستراحه من العصر لين 2 بالليل
واهله سايبهم
ومشاويرهم مع سواقين وتكاسي اجره
مدري هو وش فايدته بالحياه
مستانس انه يروح الشغل
والله اعرف مدرسات
دوام وتعب وتربية اطفال ومسؤليه
وازواجهن موظفين بمدن اخرى بعيدين عنهن
واذا جوا خميس وجمعه
تركوهن وطلعوا والا قصروا بشراء حاجيات البيت

بهالحاله صارت الام العامله هذي هي ربة البيت وهي رجال البيت وهي الكل في الكل
وزوجها بس ديكور ببطاقة العائله

في الدول العربيه والغرب الزواج شركة في المسؤوليه والعطاء والتفاني بين الرجل وزوجته

وعندنا بلد الاسلام الزوجه هي الكل في الكل هي الاب والام معآ
الزوج ملغي دوره المؤثر والمربي والقائم على بيته

ياليتهم يقتدون بنبي الامه بأبي هو وامي
كان هو يخصف نعله بنفسه ويكنس بيته وكان يحمل حاجاته بنفسه عليه الصلاة والسلام
وكان لينا حلو المعشر مع نساءه والقصص في ذلك كثيره اشهرها كيف كان يتسابق مع عائشه رضي الله عنها

للاسف
الزوجه عندنا هي من تطبخ وتنفخ وتحمل وتربي وبعض الاحيان تنفق من راتبها
وفي الاخير اذا فسد احد الابناء قال الاب انتي خربتيه بتربيتك !!
طيب وينك يااخينا عنه ماربيته
لان الاولاد تربيتهم صعبه بعكس البنات
الولد يحتاج تواجد ابيه وقربه منه خصوصا في هذا العصر

اعتذر ع الاطاله اخي الغالي لكنك لامست شئ نعيشه ويؤذينا عندما نسمع بمثل هؤلاء
اللي متنقحين بالاستراحه ويسبون حريمهم والله ماعندنا حريم زي الناس

مدري من زينهم هم وكروشهم

والله هن حريمكم ياقلبي هن اللي ماعندهن رجال زي الناس

لا فوض فوك يا غادة 😒الواحد فيهم كرشته مترين قدام ويبي زوجته عارضة أزياء وهو منتف يبيها غنيه والقرد يبي ملكة جمال هههههههههه والله زمن عجيب