لو خسرتك ماخسرت العمر ..والدنيا متاع..
وأدري إني لو خسرتك ماخسرت إلا القليل..


بس فكر زين!! ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
ورايتك بيضا معاي وياعسى عمرك طويل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..


صدمتي فيك إنت..خلتني أفكر بإقتناع..
""إن قتل النفس راحه لو أنا كنت القتيل..""


::رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..::


وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..

و,,,اللي نساني وإشترى فيني.. وباع..
يـرووح الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس ..أنا ماني بخيل..


طالما كان السبب في قوتي.. قبل الوداع..
بلغوهـ أقل شيء,, بخالص الشكر الجزيل

م.ن
دمتم بحفظ الرحمن
نـــــــاصرالنـــــاصر