2013- 3- 11
|
#260
|
|
متميزه بملتقى التعليم عن بعد - تربية خاصه
|
رد: يوميات التدريب الميداني :)
أنآ للحين مآأنتهيت فترهـ التدريب أخلص أخر هـ الأسبوع يعني الأربعآء إللي بيجي وبكذآ أكون كملت شهر تدريب ..
حآبه أتكلم وأفيدكم خآصه إني فآضيه إللحين وحضرت دروسي بدري .,
أول شيء بقولكم عن بنآتي إللي من إللحين بدأت أحس إني رآح أفقدهم 
عندي بنتين وحدهـ أعآقه سمعيه شديدهـ إلى شديدهـ جداً وسوت عملية زرآعة قوقعه من سنتين يعني عمرهآ اللغوي سنتين وصآرت أعآقتهآ بسيطه إلى متوسطه والثآنيه أعآقة متوسطه إلى شديدهـ وصآرت أعآقتهآ بسيطه طبعاً كلهم أعآقتهم حسي عصبي ..
أول أسبوع كنت جداً ضآيعه خآصة إني طآلبة التطبيق الوحيدهـ بـِ هـ المدرسه كنت أحضر مع المدرسآت حصصهم وبس من يوم السبت لـِ الثلآثآء على هـ الحآل يوم الأربعآء كنت على أسآس أعطي أول الدرس وتكمل عني المدرسه المتعآونه لكن هي مآ جآت لـِ ظروفهآ حضرت لي مدرسه ثآنيه وكتبت لي ملآحظآت منهآ صوتك منخفض خصوصاً لـِ طآلبآت أعآقه سمعيه .. خطك صغير والكلمآت قريبه من بعض .. الطآلبآت كآنوآ مشتتآت .. بيني وبينكم أول مرهـ أعطي درس ومو محضرهـ الآ جزء منه لأن على أسآس أتفآقي مع المدرسه إللي مآجآت وكمآن الطآلبآت لسى مآتعودوآ علي مرهـ فـ الوضع كآن مو مريح أنآ أصلاً كنت مشتته و متوترهـ .. الأسبوع الثآني كله مآحضرت مدرستي المتعآونه لـِ ظروفهآ لكن حضروآ لي معلمتين وكل وحدهـ تنصحني بطريقه تختلف عن الثآنيه هـ الأسبوع بدأت أحضر ملف الطآلبآت والمعلومآت الخآصة فيهم طبعاً فيه ملف للمعلمه المتعآونه إللي مآسكه هـ الطآلبتين خآلص وجآهز لكن وحدهـ من المعلمآت نصحتني أنآ أتعب على المعلومآت بنفسي درت بين أخصآئيه نفسيه وأجتمآعيه وتخآطب أجمع المعلومآت الخآصة فيهم وبدأت أحضر ملفين لـِ دروسي ملف " لغتي " وملف " ريآضيآت " مع أورآق عمل للدروس لأن قآلوآ لي المعلمآت مهم تجيبين أورآق عمل خآصة فيك لأن رآح تُقيمين عليهآ .. وصرت أعطي دروس والمعلمتين ينتآوبون علي الأسبوع الثآلث وحدهـ من المعلمآت سوت لي جدول خآص فيني لأني كنت مآشيه على جدول المعلمه المتعآونه وهي جآت لي في الأسبوع 18 حصه منهآ حضور ومنهآ فردي غير الأحتيآط .. المعلمآت هـ الفترهـ كلهم قآلوآ لي متحسنه عن أول أسبوعين بكثير وبآين عليك .. الأسبوع الرآبع إللي إللحين أنآ فيه قآلت لي المعلمه المتعآونه إني بدأت أنطلق وأعطي الدروس بتسلسل و ترآبط ومرهـ مبسوطه فيني ..
وحدهـ من المعلمآت كتبت لي كذآ نصيحه مآحبيت أبخل فيهآ عليكم 
1- تحية الطآلبآت بصوت مسموع ..
2- التأكد من سمآعآت الطآلبآت <~ مهمه وتحسب لك ..
3- تذكيرهم بآليوم والتآريخ ..
4- تبليغهم بآلمآدهـ المعطآهـ ( لغتي - ريآضيآت )
5- ترك عنوآن الدرس فآرغ ..
6- استنتآج عنوآن الدرس وكتآبته ..
7- تنظيم السبورهـ يعني لو فيه شيء لـِ لغتي وتبين تعطين ريآضيآت مآيصير تخلينه موجود ..
8- الحرص على ضبط الطآلبآت و الألتزآم بآلدور ..
9- الطآولة منظمه وأزآلة جميع المشتتآت ..
10- عدم السمآح لهم بفتح الكتآب أثنآء الشرح ..
11- رفع الصوت ..
12- موآجهة الطآلبآت أثنآء الشرح مهم جداً جداً وهي بنفسهآ تقيمت عليه لمآ كآنت طآلبة تطبيق لأزم يقرأون شفآتك فـ مآيصير تعطينهم ظهرك عشآن تكتبين على السبورهـ وتتكلمين بنفس الوقت × ..
13- التعزيز ( لفظي - مآدي ) ..
14- حلو إنك تخلينهم يتكلمون ويعبرون عن الأشيآء إللي يشُفونهآ ويستنتجون شغلآت أعطيهم وقت مو طويل عشآن مآتضيع الحصه ..
وبس موفقين الكل .. دعوآتكم ., 
|
|
|
|
|
|