عشان كذا اقول المفروض تذكر امر مايحدد جنس معين
لان هالامور احنا ادرى فيها منك
وهذا انت ذكرتها قد تتأخر يعني في حالات قد تتأخر البنت بالبلوغ
معقوله نفرض عمر للجميع بس لان فيه حالات قد تتأخر ؟؟

سؤال خارج الموضوع انت وش يضرك لو لبسنا الحجاب في سن صغير

شيء ثاني تقول انتي حاله خاصة لا يا عزيزي انا موب حاله خاصه
انا تربيت على قيم ومبادئ شفت اختي اللي اكبر مني تلبس عبايه
وغرت منها ليه ما اتغطى مثلها ليه ما البس مثلها
شفت امي ما تطلع مكان الا وعباتها على راسها وكنت ابي مثلها
ليه ؟؟ لاني تربيت على هالشيء انغرس هالشي فيني من صغري
بس لو كانت الدنيا سايبه ومالبسوا اختي العبايه وخلونا بكيفنا
كنت راح اصر على لبس العباية ؟؟

قد سمعت من احد الاشخاص ان الطفل مثل الصلصال الشكل
اللي تشكله عليه راح يشب عليه اذا ما عودتها على لبس الحجاب وهي صغيره
كيف بتقتنع من كيفها بلبس العباية اذا كبرت ؟؟

كلنا لبسنا العباية وحنا صغار ما اعاقت طريقنا ولا مسكتنا عن اللعب
ولا تلخبطنا فيها ولا جريناها ورانا بين السيارات

بعدين تصويرك للمنظر تجر عبائتها خلفها
حسستني انها تشيل اسطوانة غاز بين كتوفها ما كأنها عباية