ملتقى طلاب وطالبات جامعة الملك فيصل,جامعة الدمام - عرض مشاركة واحدة - بالاول زينوا نظامكم الخايس بعدين تعالوا العبوا بدرجات الأسئلة وتفلسفوا على روسنا

أبوفهد1 · 2013- 3- 14

اقتباس:

المشاركة الأصلية كتبت بواسطة jasmenn

انا الاحظ ان مشاكل الانظمه تخرب عند ناس وبنفس الوقت تتعدل عند ناس ثانيه يعني ماتتعدل بنفس الوقت لكل الطلبه ولاتخرب معهم بنفس الوقت كلن ياخذ نصيبه وبفترات مختلفه
لكن اللي يحز بالخاطر ان لو يشتكون مجموعه طلاب من تعطل الانظمه ينطون ناس ماعندهم مشكله ويتذمرون من تذمر اصحاب المشكله ويستنكرون عليهم شكواهم وكانهم يبون يقولون انهم مالهم حق يتكلمون والمفروض يسكتون ويضلون بس يمدحون ويمدحون الى مالانهايه وع حساب انفسهم ودرجاتهم
لا ياساده ياكرام حطوا انفسكم مكانهم ماراح يسعدكم هالشي تخيلوا تعطل معكم النظام اسبوع كامل ولاقدرت تشوف شي ولاتحل ولامناقشه ولا واجب وجيت تشتكي ونط عليك واحد مسوي مصطفى ويقول لك انت ماعندك سالفه كثير تحلطم وش بيكون شعورك؟؟ بالله بس حطوا انفسكم مكانهم وتعرفون وبعدين محد داس لكم ع طرف خلوا الناس تشتكي لين تشوف لها حل انا مثلا 4 ايام تعطلت معي كل الانظمه والله بغيت انفجر فلما اشوف احد يشكي احس باحساسه لاني مريت فيه اللي يشكي خايف ع درجاه وع سجله لو مايدري عن شي ماكان درا عن النظام تعطل ولا بستين داهيه مادرا عنه
لكن البعض الله يهديهم مدري كيف بس ماقول الا الله يهديهم هم ياانهم مايخشون النظام خير شر او انهم من الناس اللي مايذاكرون الا وقت الاختبار
انا انصحكم ان تتقوا الله في غيركم
يكفي القرارات الجديده وبعد هم النظام وفوق هالهم تجون انتوا تتفلسفون ع روسهم
استغفر الله العظيم

ياااااااسلااااااااام كلام من ذهب الله يوفقك ويسعدك
ولكن ماذا نقول لهؤلاء الانبطاحيين المطبلين كل شوي واحدهم ناط لنا تقل قرد
يقول لنا انتم تتذمرون انتم مو عاجبكم شي انت مدري ايش ووووو سبحان الله كأننا جايين نطرهم!!! حتى وصلت بأحدهم ان قال لنا اللي مو عاجبته الجامعه يروح يدور له جامعات ثانيه <<<الظاهر الجامعه من بقية املاك الوالد وانا مدري

,,,نحن طلبه سجلنا وسددنا بالجامعة فيه من اقتطع من مصروف اطفاله لكي يسدد وفيه من تسلف لكي يسدد وفيه من اقتطعت من طفسة حافز لكي تسدد ووووو
فيجب ان تقدم لنا خدمة مناسبه ترضي الجميع
المشكله يقولون الانظمه شغاله معانا 100% يا حبيبي إذا هي شغاله عندك صح ومافيها مشكله وانت مفهي ومتقوقع على نفسك <<<حلوه متقوقع

ترا فيه ناس صارلهم عدة ايام مو قادرين يشوفون المحاضرات المباشره المسجله ولا قادريين يحملونها فلذلك لاتقعدون تعزفون على جراج الآخرين وتجرحون بالآخريين ,,,لنا السنه نرد عليكم ونوقفكم عند حدكم .
الغرض من طرح هذه المواضيع ليس للتسليه فالوقت يمضي نحن نريد حلول كأن كلنا نحن من تتعطل عندنا الانظمه نرسل للعماده ولا الفريدان ونكثر بالارسال لكي يصلحوا انظمتهم